Bir nechta qotillikni sodir etgan ayol Kanada maktabiga volontyor bo‘lib joylashdi

Monreal maktablaridan biri o‘quvchilarining ota-onalari o‘quv muassasasida Karla Xomolkaning volontyor bo‘lib ishlashiga qarshi chiqdi. Ayol 1990-yillarning boshida eri bilan uch nafar qizni o‘ldirgani uchun 12 yillik qamoq jazosini o‘tagan, deb yozadi “Vesti.ru”.

Foto: “Vesti.ru”

Xomolka va uning eri Pol Bernardo 1993-yilda uch nafar maktab o‘quvchisining nomusiga tegish, qiynash va o‘ldirishda ayblangan. Qizlardan biri Karlaning singlisi bo‘lgan. Erkak umrbod qamoq jazosiga hukm qilingan, Xomolka esa 2005-yilda ozod qilingan.
Ayol tergov bilan hamkorlik qilgan va barcha qotilliklar haqida so‘zlab bergan, ularda eri majburlagani uchun ishtirok etganini ma’lum qilgan.
U advokatining ukasiga turmushga chiqqan va ikki yil avval uch nafar farzandi bilan Monrealga qaytgan. Ayolning farzandlari Greaves Adventist Academy xususiy maktabida o‘qiy boshlagan.
Jurnalistlar Xomolka maktabda bolalar ekskursiyalarini o‘tkazishga yordam berayotganligini aniqladi. Bundan tashqari, u to‘qish darsini o‘tish uchun ham maktabga kelgan. Ayolning maktab ishlaridagi ishtiroki matbuot e’tiboriga tushgandan so‘ng, bu holat ota-onalar noroziligiga sabab bo‘ldi.
Maktab vakili o‘quv muassasasi ma’muriyati Xomolkaning jinoiy o‘tmishidan xabardor ekanligini ma’lum qildi. Ayol doimiy asosdagi volontyor bo‘lmasdan, u o‘quvchilar bilan hech qachon yolg‘iz qoldirilmasligi ta’kidlandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Bir nechta qotillikni sodir etgan ayol Kanada maktabiga volontyor bo‘lib joylashdi appeared first on Daryo .
Batafsil | Подробно | Read more... Daryo