Shavkat Mirziyoyev Andijonda meva-sabzavotni qayta ishlovchi korxona qurilishiga tamal toshini qo‘ydi

O‘zbekiston Prezidenti Shavkat Mirziyoyev Andijon viloyatiga tashrifi davomida Xo‘jaobod tumanidagi “Navigul” O‘zbekiston—Germaniya qo‘shma korxonasi hududida tashkil etiladigan meva-sabzavotlarni qayta ishlash, muzlatish va sotishga ixtisoslashtirilgan yirik logistika kompleksi loyihasi bilan tanishdi, deya xabar bermoqda O‘zA.

Foto: O‘zA

“O‘zvinosanoat-xolding” kompaniyasi negizidagi “Toshkent vino kombinati” kompaniyasi va Milliy bank bilan hamkorlikda qo‘shma korxona hududida Fruit industries kompaniyasini tashkil etish rejalashtirilgan. Yangi korxona meva-sabzavotlarni qayta ishlash, quritish, sharbat tayyorlash va eksport faoliyati bilan shug‘ullanadi.
6 gektar maydonda ko‘chat yetishtiriladigan issiqxona, 255 gektar maydonda tomchilatib sug‘oriladigan intensiv bog‘ tashkil etiladi, 615 gektar maydonda sabzavot yetishtiriladi, 7 ming tonna meva-sabzavotni saqlashga mo‘ljallangan muzlatgich quriladi.
“Davlatimiz rahbari korxonaning dastlabki bosqichi – meva-sabzavotlarni quritish liniyasining ish boshlashiga bag‘ishlangan ramziy tugmani bosdi. Karam va lavlagi misolida texnologik liniyaning ish jarayonini kuzatdi. Quritilgan mahsulotlar namunalari bilan tanishdi”, — deyiladi O‘zA axborotida.
Loyihaning umumiy qiymati 24 million dollar bo‘lib, shundan 14 million dollari Milliy bank, qolgani korxona mablag‘lari hisobidan qoplanadi.
Korxonani shu yilning uchinchi choragida ishga tushirish rejalashtirilgan. Bu yerda yiliga 30 ming tonna meva-sabzavot mahsulotlari qayta ishlanadi, 1 ming 250 ish o‘rni yaratiladi.
Asaka tumanidagi “Obod turmush orzusi” fermer xo‘jaligida tashkil etiladigan meva-sabzavotlarni quritish va muzlatgich tashkil etish, “O‘zbekoziqovqatxolding” kompaniyasi va tijorat banklari hamkorligida 2017—2018-yillarda amalga oshirilishi rejalashtirilayotgan oziq-ovqat sohasini rivojlantirish dasturi loyihalari namoyish etildi.
O‘zbekiston Prezidenti mazkur loyihalarni o‘z vaqtida amalga oshirish, yangi korxonalarni malakali mutaxassislar bilan ta’minlash yuzasidan mutasaddilarga tegishli ko‘rsatmalar berdi. Yangi tashkil etilayotgan korxonalarga xomashyoni vaqtida yetkazib berish lozimligi ta’kidlandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Shavkat Mirziyoyev Andijonda meva-sabzavotni qayta ishlovchi korxona qurilishiga tamal toshini qo‘ydi appeared first on Daryo .
Batafsil | Подробно | Read more... Daryo