O‘zbekiston tinchliksevar mamlakatlar reytingida 101-o‘rinni egalladi

Tinchliksevar mamlakatlar reytingi — Global Peace Index’ning 2017-yilgi natijalariga ko‘ra, O‘zbekiston 163 davlat orasida 101-o‘rinni egalladi. Tadqiqot natijalari Iqtisodiyot va tinchlik instituti saytida e’lon qilindi, deb xabar berdi UzDaily.

Foto: UzDaily

Global tinchliksevarlik indeksini Avstraliya va AQSh ilmiy markazlarining xalqaro ekspertlar guruhidan iborat iqtisodchi va sotsiologlari ishlab chiqqan. Global Peace Index’ni ishlab chiqishda bir necha o‘nlab ko‘rsatkichlar e’tiborga olinadi (masalan, qurolli mojarolarda ishtirok etganligi, kuch tuzilmalari soni, amalga oshirilgan qotilliklar soni va h.k). Mamlakatning har bir asosiy ko‘rsatkichiga 1 dan 5 qiymatigacha baho qo‘yiladi.
O‘zbekiston 2,132 indeks ko‘rsatkichi bilan reytingda 101-o‘rinni band etdi. Ta’kidlash joizki, Global Peace Index 2016 da O‘zbekiston 2,216 indeksi bilan 109-o‘rinni egallagan edi.
Reytingda birinchi o‘rinni Islandiya band etgan. Shuningdek, tinchliksevar davlatlar o‘ntaligidan Daniya, Avstriya, Yangi Zelandiya, Portugaliya, Chexiya, Shveysariya, Kanada, Yaponiya hamda Sloveniyalar joy olgan.
Tinchliksevarlik darajasi past bo‘lgan davlatlar o‘ntaligidan esa Suriya, Janubiy Sudan, Iroq, Afg‘oniston, Somali, Yaman, Ukraina, Sudan va Liviya joy oldi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston tinchliksevar mamlakatlar reytingida 101-o‘rinni egalladi appeared first on Daryo .
Batafsil | Подробно | Read more... Daryo