O‘zbekistonda Yong‘oq ishlab chiqaruvchilar va eksport qiluvchilar uyushmasi tuziladi

O‘zbekiston Prezidenti Shavkat Mirziyoyevning “Yong‘oq ishlab chiqaruvchilar va eksport qiluvchilar uyushmasini tuzish va uning faoliyatini tashkil etish to‘g‘risida”gi qarori qabul qilindi. Bu haqda O‘zA xabar bermoqda .

Foto: Trend

Mazkur qarorda Yong‘oq ishlab chiqaruvchilar va eksport qiluvchilar uyushmasi va uning tarkibida mas’uliyati cheklangan jamiyat shaklida Yong‘oqchilik ilmiy-tadqiqot markazi, Yong‘oq logistika markazi, “Sag agro MTP” MChJ, Jizzax, Qashqadaryo, Surxondaryo, Namangan va Toshkent viloyatlarida hududiy “Yong‘oqagro” MChJ tashkil etish to‘g‘risidagi takliflarga rozilik berilgan.
Yong‘oqning serhosil zamonaviy plantatsiyalarini yaratish, hududlarda yong‘oq ishlab chiqarish hajmini ko‘paytirish choralarini ko‘rish, yong‘oqning serhosil nihollarini laboratoriya sharoitlarida yetishtirishni tashkil etish, innovatsiyaviy texnologiyalarni yong‘oq yetishtirish jarayoniga joriy etish, xorijiy investitsiyalarni jalb qilish, davlat ko‘magini olishda har tomonlama ko‘maklashish uyushmaning asosiy vazifalari va faoliyat yo‘nalishlari etib belgilandi.
“Yong‘oqchilik ilmiy-tadqiqot markazi” MChJ yong‘oqni mahalliy iqlimga moslashtirish va rayonlashtirish, serhosil, tez pishar, qurg‘oqchilikka chidamli va virussiz navlari bo‘yicha ilmiy-tadqiqot ishlarini amalga oshiradi.
“Yong‘oq logistika markazi” MChJ yong‘oq mahsulotlarini qayta ishlash va saqlash bo‘yicha xizmatlar ko‘rsatishga, shuningdek, eksport qilinadigan mahsulotlarni tayyorlash va bojxona hujjatlari rasmiylashtiruvini ta’minlashga ixtisoslashadi.
“Sag agro MTP” MChJ yong‘oq ishlab chiqaruvchilarga agrotexnik tadbirlarni amalga oshirish bo‘yicha mexanizatsiya xizmatlari ko‘rsatadi.
Qarorda Qishloq va suv xo‘jaligi vazirligi, Andijon, Qashqadaryo, Jizzax, Namangan, Samarqand, Surxondaryo, Toshkent va Farg‘ona viloyatlari hokimliklari, Yong‘oq ishlab chiqaruvchilar va eksport qiluvchilar uyushmasi umumiy maydoni 10 ming gektargacha bo‘lgan yer uchastkalari va yong‘oq plantatsiyalarini barpo etish bo‘yicha loyiha tashabbuskorlari — tadbirkorlik subyektlari tanlab olinishini ta’minlashi ko‘zda tutilgan.
Yong‘oq ishlab chiqaruvchilar va eksport qiluvchilar uyushmasi Samarqand shahrida joylashtiriladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekistonda Yong‘oq ishlab chiqaruvchilar va eksport qiluvchilar uyushmasi tuziladi appeared first on Daryo .
Batafsil | Подробно | Read more... Daryo