Yaponiyada yengil samolyotning halokati oqibatida 4 kishi qurbon bo‘ldi

Yaponiyaning Toyama prefekturasi politsiyasi 3-iyun, shanba kuni Toyama aeroportidan parvoz qilgan Cessna-172 yengil samolyotining halokatga uchrashi oqibatida to‘rt kishining qurbon bo‘lganligini tasdiqladi. Bu haqda 4-iyun, yakshanba kuni NHK telekanali ma’lum qildi, deb yozadi “TASS”.

Foto: “RIA Novosti”

Qutqaruvchilar halokat hududi Yapon Alplarining shimoliy qismidagi balandligi 2,3 ming metrga yaqin tog‘li qoyalarida bo‘lganligi sababli halokatga uchragan samolyotni 4-iyun tongida topishga muvaffaq bo‘ldi. Tog‘larga tuman tushganligi tufayli 3-iyun, shanba kungi qidiruv-qutqaruv ishlari muvaffaqiyatsiz yakunlangan.
Samolyotning halokatga uchraganligi va jabrlanuvchilarning ahvoli haqida bortdagilardan biri politsiyaga xabar qilgan. U ikki kishi hushsiz ekanligini ma’lum qilgan. Biroq politsiya va Mudofaa kuchlari askarlari qulagan samolyotni vertolyot yordamida topganda unda hech kim tirik qolmaganligi ma’lum bo‘ldi. Odamlarning o‘limiga nima sabab bo‘lganligi ma’lum qilinmadi.
New Central Airservice kompaniyasiga tegishli samolyot mashq parvozini amalga oshirayotgan va Nagano prefekturasi Matsumoto shahriga yo‘l olgan edi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Yaponiyada yengil samolyotning halokati oqibatida 4 kishi qurbon bo‘ldi appeared first on Daryo .
Batafsil | Подробно | Read more... Daryo