“Ayaks” yulduzlaridan biri Shota Arveladze O‘zbekistonda ishlashini tasdiqladi

Gruziyalik mutaxassis Shota Arveladze faoliyatini O‘zbekistonda davom ettirishini tasdiqladi, deb ma’lumot berdi “Championat.asia” nashri.

Foto: Google Images

Avvalroq Toshkentning “Paxtakor” klubi u bilan muzokara o‘tkazayotgani xabar berilgandi. Arveladzening qayd etishicha, qaror qabul qilingan va faqatgina rasmiyatchilik qolgan.
Menga Rossiya va Gollandiyadan ham takliflar bo‘ldi. Ammo O‘zbekistonga borishga qaror qildim, chunki eng yaxshi taklif shu yerdan tushdi. Rasmiyatchiliklar hal qilinsa, O‘zbekistonda ishlayman.
Nima bo‘ladi, qanday bo‘ladi hozircha bilmayman. Aytishim mumkin bo‘lgani, u yerdagi insonlar bilan yaxshi tanishman.
Shota Arveladze, gruziyalik murabbiy
Toshkentning “Paxtakor” klubi O‘zbekiston Oliy ligasida 18 ochko bilan 7-o‘rinni egallab turibdi. Yangi murabbiy jamoani ikkinchi davra oldidan qabul qilib olishi katta ehtimol.
Arveladze Gruziya terma jamoasi uchun eng ko‘p gol urgan futbolchi hisoblanadi — 60 ta o‘yinda 26 ta gol.
U futbolchilik vaqtida Turkiyaning “Trabzonspor”, Gollandiyaning “Ayaks” va “AZ Alkmaar”, “Shotlandiyaning “Reynjers”, Ispaniyaning “Levante” kabi klublarida to‘p surgan. Murabbiy sifatida Turkiyaning “Keysirispor” (2010—2012), “Qosimposhsha” (2012—2015), “Trabzonspor” (2015) va Isroilning “Makkabi” (2016—2017) klublarida ishlagan.
Arveladze mutaxassis sifatida katta yutuqlarga erishmagan. Bu boradagi faoliyatini u “AZ Alkmaar” klubida Lui Van Galga yordam berish bilan boshlagan.
Futbolchi sifatida esa “Ayaks” bilan Gollandiya chempionligi va kubogi, “Reynjers” bilan Shotlandiya chempionligi va kubogini qo‘lga kiritgan. 1994, 1998, 2007-yilgi mavsumlarda Gruziyaning eng yaxshi futbolchisi sifatida tan olingan. 1995/96-yilgi mavsum Turkiya chempionatining eng yaxshi to‘purari bo‘lgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Ayaks” yulduzlaridan biri Shota Arveladze O‘zbekistonda ishlashini tasdiqladi appeared first on Daryo .
Batafsil | Подробно | Read more... Daryo