BMT bosh kotibi O‘zbekistonga va Markaziy Osiyoning boshqa mamlakatlariga tashrif buyuradi

BMT bosh kotibi Antoniu Guterrish Markaziy Osiyo mamlakatlari — Qozog‘iston, O‘zbekiston, Qirg‘iziston, Tojikiston va Turkmaniston bo‘ylab safarga otlanmoqda, deb yozadi “Gazeta.uz” BMT Yangiliklar markaziga tayanib.

Foto: BMT

8—9-iyun kunlarini xalqaro tashkilot rahbari Ostonada o‘tkazib, u yerda Qozog‘iston prezidenti Nursulton Nazarboyev bilan uchrashadi va Shanxay hamkorlik tashkiloti sammitida nutq so‘zlaydi.
10-iyun kuni BMT bosh kotibi Samarqandga kelib, O‘zbekiston Prezidenti Shavkat Mirziyoyev bilan uchrashadi. Kunning ikkinchi yarmida BMT rahbari Qoraqalpog‘istonga borib, Orolbo‘yi mintaqasini ko‘radi.
Qoraqalpog‘iston axborot agentligi ma’lumotlariga ko‘ra, Antoniu Guterrish vertolyotda Orol dengizi akvatoriyasi atrofida aylanib uchadi.
11-iyun kuni BMT rahbari Bishkekka kelib, Qirg‘iziston prezidenti Almazbek Atambayev bilan uchrashadi. So‘ng u 2010-yil iyunidagi fojiali voqealarga bag‘ishlangan tadbirlarda qatnashadi.
12-iyunda Antoniu Guterrish Tojikistonga, 13-iyunda esa Turkmanistonga tashrif buyurib, ushbu mamlakatlar prezidentlari bilan uchrashadi. Dushanbeda u barqaror taraqqiyot bo‘yicha anjumanda nutq so‘zlaydi, Ashxobodda esa Markaziy Osiyoda terrorizmga qarshi kurash strategiyasini amalga oshirishga bag‘ishlangan yuqori darajali muzokaralarda qatnashadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post BMT bosh kotibi O‘zbekistonga va Markaziy Osiyoning boshqa mamlakatlariga tashrif buyuradi appeared first on Daryo .
Batafsil | Подробно | Read more... Daryo