Denis Istomin “Kreml Kubogi”ning 2-davrasida turnirning 1-raketkasiga yutqazdi

O‘zbekistonning birinchi raketkasi Denis Istomin Rossiya Federatsiyasi poytaxti Moskva shahrida davom etayotgan tennis bo‘yicha “Kreml Kubogi” turniridagi ishtirokini yakunladi, deb xabar beradi “Olamsport”.

Foto: “Olamsport”

Mukofot jamg‘armasi 771,525 AQSh dollarini tashkil etuvchi musobaqaning chorak finaliga yo‘llanma beruvchi bahsda Istomin turnirning amaldagi chempioni va birinchi raketkasi Marin Chilichga qarshi kortga chiqdi. Xorvatiyalik tennischi ishtirokini to‘g‘ridan-to‘g‘ri ikkinchi davradan boshladi.

Foto: “Olamsport”

Ikki soatu ikki daqiqa davom etgan bahsda Chilich 7:6(3), 3:6, 6:3 hisobida zafar quchdi. Uchrashuv davomida Marin 9 ta, Istomin esa 4 ta eys zarbasini amalga oshirdi. Ikki tennischi o‘rtasidagi o‘zaro uchrashuv 5:1 hisobi bilan yakunlandi.
Eslatib o‘tamiz, “Kreml Kubogi-2015” g‘olibi 127 ming dollar mukofot puli hamda 250 reyting ochkosiga ega bo‘ladi. Finalchi esa 66,900 dollar va 150 reyting ochkosi bilan taqdirlanadi.
Batafsil | Подробно | Read more... Daryo