O‘sh shahridagi Bobur nomli o‘zbek musiqali drama teatri vakillari O‘zbekistonda malaka oshirdi

San’at va madaniyat instituti huzuridagi pedagog kadrlarni qayta tayyorlash va ularning malakasini oshirish tarmoq markazida Qirg‘izistonning O‘sh shahridagi Bobur nomli o‘zbek musiqali drama teatridan kelgan tinglovchilarga sertifikatlar topshirildi. Tadbirda Madaniyat vazirining birinchi o‘rinbosari Minhojiddin Mirzo (Hojimatov) ishtirok etdi. Bu haqda “Daryo”ga vazirlik mutasaddilari ma’lum qildi. 

Foto: O‘zbekiston Madaniyat vazirligi axborot xizmati

Bobur nomli o‘zbek musiqali drama teatrining 12 nafar aktyor va texnik mutaxassislari 22-maydan 5-iyunga qadar markazda bo‘ldi. Ular 2 hafta davomida aktyorlik mahorati, vokal texnikasi, sahna nutqi, plastika, ritmika, dramaturgiya bo‘yicha bilimlarini mustahkamladi. 
Malaka oshirish jarayonida mehmonlar O‘zbek milliy akademik drama teatrida “Andishali kelinchak”, Muqimiy nomidagi o‘zbek davlat musiqiy teatrida “Tohir va Zuhra”, “Layli va Majnun”, “Diydor” teatr-studiyasida Bahodir Yo‘ldoshev tomonidan sahnalashtirilgan “Yulduzli tunlar”, Wise media teatr-studiyasida “Birinchi bo‘sa” spektakllarini tomosha qildi. 
Qirg‘izistonlik tinglovchilar uchun O‘zbekiston xalq artisti Erkin Komilov, O‘zbekistonda xizmat ko‘rsatgan yoshlar murabbiysi Munavvara Abdullayeva bilan uchrashuvlar tashkil qilindi. O‘zbekiston tarixi davlat muzeyi, “Istiqlol” va “Turkiston” saroylari, Alisher Navoiy nomli O‘zbekiston milliy bog‘i hamda poytaxtning boshqa diqqatga sazovor joylariga sayohatlar uyushtirildi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘sh shahridagi Bobur nomli o‘zbek musiqali drama teatri vakillari O‘zbekistonda malaka oshirdi appeared first on Daryo .
Batafsil | Подробно | Read more... Daryo