Chevrolet kompaniyasi 5 ta modeli uchun tyuning lineykasini namoyish qildi

Chevrolet kompaniyasi Red Line deb nomlangan yangi tyuning konseptual lineykasini namoyish etdi, u Camaro, Trax, Malibu, Colorado va Silverado modellariga nisbatan qo‘llaniladi. Bu haqda Motor xabar berdi . Yangi modellar premyerasi noyabr boshida Las-Vegasdagi SEMA festivali doirasida bo‘lib o‘tadi.

Chevrolet Camaro. Foto: Motor

Barcha mashinalarning kuzovi kumushrang tus oldi va qizil detallarga ega bo‘ldi; tomi ko‘mirrang tusga bo‘yaldi, orqa chirog‘i qoraytirildi.

Chevrolet Malibu. Foto: Motor

Chevrolet Camaro yangi kiritish tizimi, modernizatsiyalangan tormoz mexanizmlari, 20 dyuymli alyuminiy disklar bilan jihozlandi.

Chevrolet Trax. Foto: Motor

Trax krossoveri va Malibu sedanining klirensi kichraytirildi, shuningdek, tegishli ravishda 18 va 19 dyuymli g‘ildiraklar kiydirildi.

Chevrolet Colorado. Foto: Motor


Chevrolet Silverado. Foto: Motor

Colorado va Silverado pikaplari yangidan sozlangan kiritish va chiqarish tizimlari, g‘ildirak arkalarini kengaytirgichlar va Goodyear Wrangler Fortitude pokrishkalariga ega bo‘ldi.
Batafsil | Подробно | Read more... Daryo