Tehrondagi ikki terakt. Asosiy ma’lumotlar

7-iyun tongida Eron poytaxtida bir vaqtning o‘zida ikkita terakt yuz berdi . Qurollangan shaxslarning ikki guruhi Eron parlamenti binosida va Tehrondan janubda joylashgan Imom Xumayniy maqbarasi yaqinida otishma keltirib chiqardi. Parlament binosi o‘rab olindi, maqbaraga eng yaqin metro bekati esa yopildi. Hujum vaqtida parlament ishi to‘xtab qolgani yo‘q.

Foto: Meduza

Eron ichki ishlar vaziri o‘rinbosari Husayn Zulfiqoriyning ma’lum qilishicha, terrorchilar parlament binosiga ayollar libosida kirib kelgan. “Mehr” agentligi ma’lumotlariga ko‘ra, parlament hujum qilgan guruh to‘rt kishidan iborat bo‘lgan va ularning bari yo‘q qilingan.

Mavzuga doir:   Foto: Tehronda terrorchilardan qutqarilayotgan bolakay

Har ikkala teraktda xudkushlar qatnashgan. Ulardan biri parlament binosida politsiyachilar tomonidan to‘xtatib qolingan. Bundan tashqari, Xumayniy maqbarasiga hujum qilganlar orasida xudkush ayol ham bo‘lgani aytilmoqda (ba’zi ma’lumotlarga ko‘ra, u ham ayol libosidagi erkak bo‘lishi mumkin). U portlovchi uskunani harakatga keltirishga ulgurgan — bir ma’lumotga ko‘ra, hodisa politsiya uni qo‘lga olishga uringan vaqtda yuz bergan, boshqa manbalarga ko‘ra esa portlash politsiyachilar kelguniga qadar amalga oshgan.
Teraktlar oqibatida yetti kishi halok bo‘lgan, 40 ga yaqin kishi tan jarohati olgan. Parlamentga uyushtirilgan hujum oqibatida besh kishi, jumladan, xavfsizlik kuchlarining ikki vakili halok bo‘lgan. Ularning to‘rt nafari hodisa joyida, beshinchisi esa shifoxonada vafot etgan. Yana kamida 25 kishi jabrlangan. Imom Xumayniy maqbarasida esa ikki kishi qurbon bo‘lib, kamida 10 kishi tan jarohati olgan.
Eron OAVlari qurbonlar ro‘yxatiga terrorchilarni ham qo‘shmoqda. Ular orasida — maqbara oldida o‘zini portlatib yuborgan xudkush ayol; politsiyachilar otib o‘ldirgan hujum qilgan shaxs; va maqbara oldida sianid ichib, o‘z joniga qasd qilgan shaxs (otib o‘ldirilgan va sianid iste’mol qilgan shaxs — biri kishi bo‘lishi mumkin).
Eron ma’muriyati terrorchilarning uchinchi guruhi ham bo‘lganini ma’lum qildi. Bu guruh a’zolari ham hujum uyushtirmoqchi bo‘lgan (ularning nishoni noma’lum), biroq ularni terakt amalga oshgunicha qo‘lga olishga muvaffaq bo‘lingan. Uchinchi guruhda necha kishi bo‘lgani ham noma’lum.
Teraktlar uchun javobgarlikni IShID o‘z zimmasiga oldi. Bu IShID tomonidan Eron hududida amalga oshirilgan ilk teraktlardir. Eron Suriya va Iroqda IShIDga qarshi harakatlarda qatnashmoqda. 2017-yil mart oyida IShID fors tilida murojaat e’lon qilib, Eronni zabt etishga va’da bergan edi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Tehrondagi ikki terakt. Asosiy ma’lumotlar appeared first on Daryo .
Batafsil | Подробно | Read more... Daryo