Toshkent shahrida “Arxiv xizmatlarini ko‘rsatish markazi” ishga tushdi

2017-yilning 9-iyun kuni “9 iyun — Xalqaro arxivlar kuni” tadbirlari doirasida hamda “Xalq bilan muloqot va inson manfaatlari yili”da Toshkent shahar aholisi va tadbirkorlik subyektlariga qulayliklar yaratish maqsadida Toshkent shahar davlat arxivining Uchtepa tuman filiali binosida “Yagona darcha” tamoyili asosida faoliyat yurituvchi “Arxiv xizmatlarini ko‘rsatish markazi”ni ishga tushirish marosimi bo‘lib o‘tdi.

Foto: “Daryo”

So‘nggi yillarda respublika arxiv muassasalariga jismoniy va yuridik shaxslar tomonidan so‘rovlar va murojaatlar soni tobora ortib bormoqda, jumladan, 2015-yilda davlat arxivlarining o‘ziga 191 252 ta, 2016-yilda — 209 429 ta, 2017-yil 1- choragida — 68 482 ta so‘rovlar kelib tushdi.
Arxivlarga shaxsan tashrif buyurgan fuqarolar soni 2015-yilda — 153 376 nafar, 2016-yilda — 175 006 nafar, 2017-yil 1-choragida — 61 407 nafarni tashkil etdi. Kelib tushgan so‘rovlarning uchdan bir qismi, ya’ni 35 foizi Toshkent shahar hududida joylashgan 5 ta arxiv muassasalariga to‘g‘ri kelmoqda. Toshkent shahar hududidagi arxivlarga tashrif buyuruvchi fuqarolarning soni 2016-yilda — 19 600 nafar va 2017-yil 1-choragida — 8300 nafardan ortiqni tashkil etdi.
Shuningdek, 2017-yilning o‘zida respublika arxiv muassasalariga 1700 dan ortiq tadbirkorlik sub’ektlari hujjatlari qabul qilindi. Toshkent shahar segmentida 5 ta arxiv mavjudligi sababli tadbirkorlik subyektlari hujjatlarini arxivga topshirish uchun arxivlarning ixtisosligini bilmaganligi bois sansalor bo‘lishiga to‘g‘ri kelar edi. Endilikda esa Markaz mutaxassislari tomonidan Toshkent shahrida faoliyat ko‘rsatayotgan tadbirkorlik subyektlarining arxiv hujjatlarini markazlashgan holda davlat saqloviga qabul qilish ishlari ham amalga oshiriladi. Mulkchilik shaklidan qat’iy nazar tashkilotlarga ushbu markaz xizmatidan foydalanib, arxiv hujjatlarini saqlovga yoki depozitar saqlovga topshirish imkoniyati yaratildi.
Markazda bir yo‘la 12 ta fuqarolarni so‘rovlarini qabul qilish va bunda elektron navbat qulayliklaridan foydalanish joriy etildi.

Foto: “Daryo”

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Toshkent shahrida “Arxiv xizmatlarini ko‘rsatish markazi” ishga tushdi appeared first on Daryo .
Batafsil | Подробно | Read more... Daryo