Rossiya termasi sobiq bosh murabbiyi Leonid Slutskiy “Xall Siti” ustoziga aylandi

Rossiyalik mashhur futbol mutaxassislaridan biri Leonid Slutskiy Angliyaning “Xall Siti” klubi bilan shartnoma imzoladi, deb xabar berdi “Sports.ru” nashri.

Foto: “Sports.ru”

Shartnoma shartlari va uning qanchaga mo‘ljallangani borasida aniq ma’lumot keltirilmagan. “Xall Siti” Premyer-liganing joriy mavsumi yakuniga ko‘ra, elita bilan xayrlashgandi. Slutskiy “yo‘lbarslar”ni APLga qaytarishga urinib ko‘radi.

Foto: “Sports.ru”

Ma’lumot uchun, misrlik biznesmen Assem Allam va uning o‘g‘li Ehabu egalik qiluvchi “Xall Siti” o‘tgan mavsum davomida uchta murabbiy bilan ishlashga majbur bo‘ldi.

Foto: “Sports.ru”

Slutskiy so‘nggi bir yildagi to‘rtinchi mutaxassis bo‘ldi. Ungacha Stiv Bryus, Mayk Felan, Mark Silva kabi murabbiylar o‘zaro o‘rin almashgan bo‘lib, yakunda barchasiga chiqish eshiklari ko‘rsatib qo‘yilgan.
Rossiyalik mutaxassisning so‘nggi ish joyi mamlakat milliy terma jamoasi bo‘lib turgandi. Uning shogirdlari Yevro—2016 musobaqasida muvaffaqiyatsiz ishtirok etdi. Slutskiy boshqaruvida Rossiya termasi jami 13 ta o‘yinda maydonga tushib, shularning 6 tasida g‘olib chiqdi va 5 tasida imkoniyatni boy berdi. U Moskvaning “SSKA” klubidagi yorqin faoliyatidan keyin milliy terma jamoaga jalb etilgandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Rossiya termasi sobiq bosh murabbiyi Leonid Slutskiy “Xall Siti” ustoziga aylandi appeared first on Daryo .
Batafsil | Подробно | Read more... Daryo