O‘zbekiston mahsulotlari EKSPO – 2017 xalqaro ko‘rgazmasida namoyish etilmoqda

Sanoatlashtirish ramzi, texnik va texnologik yutuqlar namoyishi uchun ochiq platforma hisoblangan butunjahon ko‘rgazmasi EKSPOga bu yil Ostona shahri mezbonlik qilmoqda. Ko‘rgazma 93 kun davom etib, mamlakatlar o‘rtasidagi hamkorlikni yanada rivojlantirishga va xalqaro maydonda bir-birini qo‘llab-quvvatlashga xizmat qiladi. EKSPOning rasmiy ochilish marosimi 2017-yil 9-iyunda o‘tkazildi. Bu haqda O‘zA xabar berdi .

Foto: “Kapital.kz”

EKSPO – 2017 ko‘rgazmasida O‘zbekiston, Rossiya, AQSh, Xitoy, Germaniya, Buyuk Britaniya, Fransiya, Yaponiya, Janubiy Koreya, Turkiya, Hindiston, Vyetnam, Armaniston, Pokiston, Ozarbayjon, Belarus, Kuba, Turkmaniston, Ruminiya, Braziliya singari 120 dan ziyod davlat o‘zining texnologik, ilmiy, madaniy yutuqlarini namoyish etmoqda. Shuningdek, 20 dan ortiq xalqaro tashkilot ishtirok etmoqda.
EKSPO – 2017 xalqaro ixtisoslashtirilgan ko‘rgazmaning asosiy mavzusi “Kelajak energiyasi” deb nomlangan bo‘lib, sayyoraga katta ta’sir ko‘rsatayotgan energiya iste’moli muammosi jahon hamjamiyatini tashvishga solayotganini o‘zida aks ettiradi. Uning mohiyatini “Uglerod dioksidi chiqarishni qisqartirish”, “Energiya samarador turmush tarzi”, “Energiya barcha uchun” singari mavzularda o‘tkaziladigan seminarlar ochib beradi.
Ko‘rgazma majmui Ilg‘or texnologiyalardan foydalangan holda bunyod etilgan moviy rang sfera atrofida joylashgan. Uning maydoni 174 gektar bo‘lib, u yerdan jami 36 ta obyekt o‘rin olgan.
O‘zbekistonda ishlab chiqarilgan mahsulotlarning namoyishi uchun ikki qavatli bino ajratilgan. Kirish qismida GM Uzbekistan mahsuloti – Cobalt avtomobili qo‘yilgan. Pavilyon asosiy eshigining tepa qismiga yirik monitor o‘rnatilgan. Unda O‘zbekistonning boy madaniy merosi, tarixiy obidalari, milliy urf-odat va an’analari, iqtisodiy salohiyati, turistik maskanlar, mamlakatda yetishtirilgan mevalar namoyish etilmoqda.
O‘zbekiston pavilyonining birinchi qavati 630 kvadrat metr maydonni egallagan. Bu yerda quyosh, shamol va suv, ya’ni kelajak energiyasi mahsulotlari namoyish etilmoqda.
O‘zbekiston pavilyonidan o‘rin olgan quyosh energiyasi stendida 2030-yilda avtomobillarni quyosh nuri yordamida qanday quvvatlantirish mumkin ekani namoyish etilmoqda.
Umumiy maydoni 550 kvadrat metrni tashkil etgan ikkinchi qavatda mamlakatning transport va logistika, turizm sohalari hamda oziq-ovqat, vino va sharbat tayyorlash sanoatida erishilgan yutuqlar, milliy taomlar namoyish etilmoqda.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston mahsulotlari EKSPO – 2017 xalqaro ko‘rgazmasida namoyish etilmoqda appeared first on Daryo .
Batafsil | Подробно | Read more... Daryo