Messisi bor Argentina Neymarsiz harakat qilgan Braziliya termasini mag‘lub etdi

Argentina va Braziliya terma jamoalari Avstraliyada o‘zaro o‘rtoqlik uchrashuvi o‘tkazdi. Unga Melburn shahridagi Cricket Ground arenasi mezbonlik qildi.

Foto: Getty Images

Bellashuvda Lionel Messi yetakchiligidagi Argentina terma jamoasi 1:0 hisobida zafar quchdi. O‘yindagi yagona gol birinchi bo‘lim so‘nggida “Sevilya” futbolchisi Gabriel Merkado tomonidan urildi.
Bir necha soat avval yakuniga yetgan o‘yinda Braziliyaning yetakchi futbolchisi Neymar harakat qilmadi. Messi esa to‘liq — 90 daqiqa maydonda to‘p surdi.
Braziliya terma jamoasi JCh—2018 saralashni ko‘tarinki ruhda o‘tkazib, Rossiya mundiali uchun chiptani hammadan ilgari yutib bo‘lgandi. Argentina terma jamoasi esa saralash turnirida Braziliya, Kolumbiya, Urugvay va Chilidan keyin beshinchi jamoa bo‘lib turibdi. Bu o‘rin faqatgina qit’alararo pley-offga yo‘llanma berishi mumkin. Argentina vaziyatdan chiqib ketishi uchun oldinda yana to‘rt tur o‘yinlari bor.
Qayd etish kerak, Argentina va Braziliya termalari saralashdagi har ikki o‘yinda ham maydonga tushib bo‘lgan. Tomonlarning Buenos Ayresdagi o‘yinida 1:1 hisobi qayd etilgan bo‘lsa, javob o‘yinida Braziliya yirik — 3:0 hisobida zafar quchgan. Gollar Koutinyo, Neymar hamda Paulinyo tomonidan urilgandi.
O‘rtoqlik uchrashuvi
Melburn, Avstraliya
9-iyun, juma
Argentina — Braziliya 1:0
Gol: Gabriel Merkado, 45 (1:0).
Argentina: Serxio Romero — Nikolas Otamendi, Xonatan Maidana, Gabriel Merkado (Ernan Mammana, 75), Alehandro Gomes (Nikolas Talyafiko, 52), Lukas Bilya, Ever Banega (Manuel Lansini, 81), Lionel Messi, Paulo Dibala (Rikardo Rodriges, 69), Anhel Di Mariya, Gonsalo Iguain (Anhel Korrea, 46).
Braziliya: Veverton — Fagner Lemos (Rafinya, 73), Tyago Silva, Karles Jil, Filipe Luis, Fernandinyo, Paulinyo (Juliano, 81), Renato Augusto (Duglas Kosta, 66), Felippe Koutinyo, Gabriel Jezus (Tayson, 90), Villian.



“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Messisi bor Argentina Neymarsiz harakat qilgan Braziliya termasini mag‘lub etdi appeared first on Daryo .
Batafsil | Подробно | Read more... Daryo