O‘zbekiston Prezidentining “Milliy kinematografiyani yanada rivojlantirish chora-tadbirlari to‘g‘risida”gi qarori loyihasi tayyorlandi

Kinematografiya sohasida normativ-huquqiy bazaning mustahkam emasligi “O‘zbekkino” milliy agentligi oldida turgan eng katta muammolardan biridir. Bu haqda agentlik matbuot xizmati xabar bermoqda .

“O‘zbekkino” milliy agentligi rahbari Otabek Musayev (o‘rtada). Foto: “O‘zbekkino”

O‘tgan yillarda sohaga kirib kelgan raqamli kinotexnologiyalar, 3D va boshqa bir qancha tushunchalar bugungi kunda amalda bo‘lgan hujjatlarda o‘z aksini topmagan.
Hozirgi kunda xususiy kinostudiyalar tomonidan ishlab chiqarilayotgan va namoyish uchun xorijdan olib kelinayotgan filmlarni badiiy ekspertizadan o‘tkazish bo‘yicha ham agentlikning vakolatlari cheklangan.
“Shu kabi kamchiliklarni bartaraf etish maqsadida O‘zbekiston Prezidentining ‘Milliy kinematografiyani yanada rivojlantirish chora-tadbirlari to‘g‘risida’gi qarori loyihasi tayyorlanib, tegishli vazirlik va idoralar bilan kelishildi hamda Vazirlar Mahkamasiga kiritildi”, — deyiladi “O‘zbekkino” axborotida.
Mazkur qaror loyihasi milliy kinematografiya sohasining me’yoriy-huquqiy bazasini takomillashtirish, sohada faoliyat ko‘rsatayotgan ijodkorlarni qo‘llab-quvvatlash, kinematografiya obyektlarini to‘liq rekonstruksiya va modernizatsiya qilish, moddiy-texnik bazasini mustahkamlash kabi O‘zbekistonda kino san’atini rivojlantirishning boshqa yo‘nalishlarini ham qamrab oladi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston Prezidentining “Milliy kinematografiyani yanada rivojlantirish chora-tadbirlari to‘g‘risida”gi qarori loyihasi tayyorlandi appeared first on Daryo .
Batafsil | Подробно | Read more... Daryo