Zafarobod tumanidagi sessiyada deputat va senatorlar bir qator tashkilot rahbarlarini lavozimidan ozod qilishni tavsiya etdi

Qonunchilik palatasi deputatlari va Senat a’zolarining bir guruhi Jizzax viloyati Zafarobod tumanida ijtimoiy-iqtisodiy islohotlarning amalga oshirilishi bilan tanishib, aholi bilan muloqotlar o‘tkazdi. O‘rganishlar natijasi xalq deputatlari tuman Kengashining navbatdan tashqari sessiyasida muhokama qilindi. Bu haqda O‘zA xabar bermoqda .

Jizzax ko‘rinishi. Foto: O‘zA

Qonunchilik palatasi deputatlari va Senat a’zolari tuman mahalla va qishloqlarida, xonadonlarda bo‘lib, fuqarolar bilan yuzma-yuz muloqot qildi. O‘rganish natijalari ko‘rsatadiki, hududni ijtimoiy-iqtisodiy rivojlantirish, aholi turmush darajasini yanada yaxshilash, fuqarolarning huquq va erkinliklarini ta’minlash bo‘yicha o‘z yechimini kutayotgan muammolar, hali foydalanilmagan imkoniyatlar mavjud.
Tuman markaziy shifoxonasi, ayniqsa, bolalar bo‘limida bemorlarga yotoq joy yetishmaydi, xonalar sanitariya talablariga javob bermaydi. Tuman tibbiyot birlashmasida 16 mutaxassis, shuningdek, qishloq vrachlik punktlarida umumamaliyot shifokorlari yetishmaydi. Tez tibbiy yordam xizmatiga yana 3 tez yordam mashinasi zarur.
Aksariyat umumta’lim maktablari, maktabgacha ta’lim muassasalari yetarlicha moddiy-texnik bazaga ega emas, kasb-hunar kollejlarining ayrim yo‘nalish va ixtisosliklarini o‘zgartirish zarur, badiiy va o‘quv adabiyotlari yetishmaydi. Muassasalarning 90 foizi kapital ta’mirga muhtoj.
Yorqin, Nurafshon shaharchalari va “Lolazor”, “Cho‘liguliston”, “Birlik” qishloq fuqarolar yig‘inlari hududida aholini toza ichimlik suvi bilan ta’minlashda muammolar mavjud. Fuqarolarning o‘zini o‘zi boshqarish organlari tomonidan kam ta’minlangan oilalarga nafaqa tayinlanishi masalasida kamchiliklarga yo‘l qo‘yilgan.
Sessiyada aholining haqli e’tiroziga sabab bo‘layotgan ichimlik suvi, elektr energiyasi va gaz ta’minoti, obodonlashtirish, uy-joy va kommunal sohalardagi ahvol jiddiy tanqid qilindi. Zafarobod tuman gaz ta’minoti korxonasi, tuman bandlikka ko‘maklashish markazi, veterinariya bo‘limi kabi bir qator tashkilotlar rahbarlarini egallab turgan lavozimidan ozod qilish bo‘yicha viloyat boshqarmalariga taqdimnomalar kiritish tavsiya qilindi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Zafarobod tumanidagi sessiyada deputat va senatorlar bir qator tashkilot rahbarlarini lavozimidan ozod qilishni tavsiya etdi appeared first on Daryo .
Batafsil | Подробно | Read more... Daryo