O‘zbekiston Ostonada suv yordamida harakatlanadigan avtomobil va quyoshdan quvvatlanadigan Ravon’ni ko‘rgazmaga qo‘ydi

Qozog‘iston poytaxti Ostonada davom etayotgan EKSPO—2017 doirasida O‘zbekiston pavilyonida energiyaning muqobil manbalari orqali harakatlanadigan transport vositalari namoyish etilmoqda. Bu haqda O‘zA xabar bermoqda .
O‘zA muxbiri O‘zbekiston pavilyonida mehmon bo‘lgan tashrifchilardan qisqa intervyular olgan. Ulardan biri — kanadalik Duglas Klan EKSPOning O‘zbekistonga ajratilgan hududida “nafaqat kelajak energiyasi qanday bo‘lishi haqida ma’lumotga ega bo‘lgani, balki oddiy suv yordamida harakatlanadigan ixcham avtomobil va quyosh nuridan quvvatlanadigan Ravon’ni o‘z ko‘zlari bilan ko‘rgani”ni ma’lum qilgan.
Kanadalik tashrifchi tilga olgan transport vositalari O‘zbekistonda qachondan va qaysi korxona tomonidan ishlab chiqarilishi haqida hozircha batafsil axborot yo‘q.
Avvalroq O‘zA O‘zbekiston pavilyonidan o‘rin olgan quyosh energiyasi stendida 2030-yilda avtomobillarni quyosh nuri yordamida qanday quvvatlantirish mumkin ekani namoyish etilayotgani haqida xabar bergan edi .
Ma’lumot uchun, O‘zbekiston pavilyonining birinchi qavati 630 kvadrat metr maydonni egallagan bo‘lib, bu yerda quyosh, shamol va suv, ya’ni kelajak energiyasi mahsulotlari namoyish etilmoqda.
Umumiy maydoni 550 kvadrat metrni tashkil etgan ikkinchi qavatda O‘zbekistonning transport va logistika, turizm sohalari hamda oziq-ovqat, vino va sharbat tayyorlash sanoatida erishilgan yutuqlar, milliy taomlar namoyish etilmoqda.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston Ostonada suv yordamida harakatlanadigan avtomobil va quyoshdan quvvatlanadigan Ravon’ni ko‘rgazmaga qo‘ydi appeared first on Daryo .
Batafsil | Подробно | Read more... Daryo