Samarqand kuni munosabati bilan shahardagi 1-son Mehribonlik uyida bayram tadbiri o‘tkazildi

Samarqand shahar Amir Temur madaniyat va aholi dam olish markazi hamda badiiy havaskorlik jamoalari 18-oktabr Samarqand shahar kuniga bag‘ishlangan “Sayqal Samarqand!” deb nomlangan bayram dasturini 1-son Mehribonlik uyi tarbiyalanuvchilari uchun namoyish qildi. Bu haqda Samarqand shahar Amir Temur madaniyat va aholi dam olish markazi direktori “Daryo”ga ma’lum qildi.

Foto: Samarqand shahar Amir Temur madaniyat va aholi dam olish markazi

Tadbirni mehribonlik uyi direktori Mavjuda Faxriddinova ochib berib, yig‘ilganlarni bayram bilan tabrikladi va bayram sovg‘asidan bolajonlarning boshlari osmonga yetganligini aytib o‘tdi.
Bayramda aholi dam olish markazi badiiy havaskorlik jamoalari o‘z bayram dasturlari bilan ishtirok etdi. Ushbu madaniy tadbirda “Barkamol avlod” bolalar ijodiyoti markazi qoshidagi “Jonona” raqs guruhi, “Bumerang” teatr studiyasi, bir qator xonandalar o‘z dasturlari bilan yig‘ilganlarni xushnud etdi.
Batafsil | Подробно | Read more... Daryo