Lotin Amerikasida eng ko‘p maosh oladigan yetakchi Gvatemala prezidenti bo‘ldi

Prensa Libre nashri versiyasiga ko‘ra, Gvatemala prezidenti Jimmi Morales Lotin Amerikasi mamlakatlari rahbarlari orasida eng ko‘p maosh to‘lanadigan yetakchiga aylandi, deb yozadi “RBK”.

Foto: Flickr

Respublika hukumati saytida e’lon qilingan ma’lumotlarga ko‘ra, u oyiga 19,3 ming dollar miqdorida maosh oladi. Bu mamlakatdagi eng kam ish haqining 50 barobariga teng. Eng kam ish haqi Gvatemalada 393 dollarni tashkil etadi.
Moralesdan keyingi o‘rinni Chili rahbari Mishel Bachelet egalladi. U, mahalliy hukumat saytidagi axborotga muvofiq, oyiga 14,9 ming dollar ishlab topadi.
Lotin Amerikasi mamlakatlari prezidentlari maoshi bo‘yicha reytingning yuqori uchligiga 13,8 ming dollarlik oylik bilan Meksika rahbari Enrike Penya Nyeto yakun yasadi.
Prensa Libre ma’lumotlariga ko‘ra, ulardan keyin Lotin Amerikasida oyiga 10 ming dollardan oshiq bo‘lgan maoshni faqat ikki mahalliy yetakchi — Urugvay rahbari Tabare Vaskes (11,6 ming dollar) va Kolumbiya prezidenti Xuan Manuel Santos (11,4 ming dollar) ishlab topadi.
Peru, Gonduras, Venesuela, Boliviya, Nikaragua davlat rahbarlari esa o‘z ishi uchun 5 ming dollardan kam oylik oladi. Lotin Amerikasi mamlakatlari orasida Nikaragua prezidenti Daniel Ortega eng kam — oyiga bor-yo‘g‘i 3,2 ming dollar maosh oladi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Lotin Amerikasida eng ko‘p maosh oladigan yetakchi Gvatemala prezidenti bo‘ldi appeared first on Daryo .
Batafsil | Подробно | Read more... Daryo