O‘zbekiston IIV va Xitoy aerokoinot ilmiy-sanoat korporatsiyasi “Xavfsiz shahar” tizimini joriy etish istiqbollarini muhokama qildi

O‘zbekiston Ichki ishlar vaziri, general-mayor Abdusalom Azizov “Xavfsiz shahar” tizimini joriy etish masalalarini muhokama etish uchun mamlakatga kelgan Xitoy aerokoinot ilmiy-sanoat korporatsiyasi (CASIC) delegatsiyasi bilan muzokara olib bordi. Bu haqda IIV matbuot xizmati ma’lum qildi .

Foto: CASIC

Vazir O‘zbekiston Prezidenti Shavkat Mirziyoyev Xitoyga tashrifi chog‘ida korporatsiyada bo‘lib, “Xavfsiz shahar” tizimining taqdimot marosimi bilan qiziqib qolganini eslatdi. Umuman olganda, O‘zbekiston Respublikasi IIV, xususan, IIV huzuridagi respublika “Qo‘riqlash” birlashmasi, Yo‘l harakati xavfsizligi xizmati, Toshkent shahar IIBB mutaxassislari “Xavfsiz shahar” apparat-dastur kompleksini tatbiq etish borasida muayyan tajribaga ega. 
Abdusalom Azizovga ko‘ra, poytaxtda zamonaviy axborot-kommunikatsiya texnologiyalarini qo‘llagan holda jamoat xavfsizligi darajasini oshirish yo‘lida dastlabki qadamlar qo‘yildi. Ushbu yo‘nalishda vazirlik tizimi mutaxassislari Rossiya Federatsiyasi hamda Xitoyning boshqa kompaniyalari mutaxassislari bilan hamkorlik qilgan. Biroq bugungi kunda aynan Xitoy aerokoinot ilmiy-sanoat korporatsiyasi mutaxassislarining ishlanmalari ma’qul ko‘rilmoqda. 
CASIC bosh direktori o‘rinbosari, delegatsiya rahbari Sun Sin ishlanmalar va mahsulotlar haqida hikoya qildi. Korporatsiya O‘zbekiston IIV bilan hamkorlik qilishga tayyor ekanligini bildirdi.
Uchrashuv chog‘ida tomonlar kelgusida o‘zaro hamkorlikda amalga oshiriladigan ishlarning amaliy jihatlarini muhokama qildi. 
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston IIV va Xitoy aerokoinot ilmiy-sanoat korporatsiyasi “Xavfsiz shahar” tizimini joriy etish istiqbollarini muhokama qildi appeared first on Daryo .
Batafsil | Подробно | Read more... Daryo