Elektr, issiqlik va gaz tarmoqlariga o‘zboshimchalik bilan ulanganlik va tamg‘alarni buzganlik uchun jazolar qat’iylashtirildi

O‘zbekiton Prezidenti Ma’muriy va Jinoiy kodekslarga tuzatishlar kiritdi, deb yozadi “Kommersant.uz”.

Foto: “Kommersant.uz”

Ularga muvofiq, umumiy foydalanishdagi elektr, issiqlik va gaz tarmoqlariga o‘zboshimchalik bilan ulanganlik uchun jarima oshdi. Endi fuqarolar uchun ma’muriy jazo eng kam oylik ish haqining 2—3 barobari emas, balki 5—10 barobariga, yuridik shaxslar uchun esa 10—20 barobariga teng bo‘ldi (avval 3—7 barobari edi).
Bundan tashqari, endi jarimalar nafaqat elektr, issiqlik energiyasi, tabiiy gaz hisoblagichlarini, balki ularning tamg‘alarini qasddan buzganlik uchun solinadi.
Shuningdek, vodoprovoddan foydalanish qoidalarining buzilishi haqidagi moddaga tuzatish kiritildi. Sovuq yoki issiq suv hisoblagichlarini, shu jumladan, ularning tamg‘alarini qasddan buzganlik uchun fuqarolardan eng kam oylik ish haqining 5 barobaridan 10 barobarigacha, mansabdor shaxslardan esa 10 barobaridan 20 barobarigacha jarima undiriladi.
Bunday qoidabuzarliklar ma’muriy jazo qo‘llanilganidan keyin ham amalga oshirilsa, Jinoiy kodeksga kiritilgan yangi tuzatishlarga muvofiq, eng kam oylik ish haqining 25 barobaridan 75 barobarigacha yoki 240 soatgacha majburiy jamoat ishlari yoki bir yilgacha axloq tuzatish ishlari bilan jazolanadi.
Xuddi shu xatti-harakatlar natijasida yetgan ahamiyatli, yirik yoki o‘ta yirik zararlar uchun ham alohida jazolar tayinlandi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Elektr, issiqlik va gaz tarmoqlariga o‘zboshimchalik bilan ulanganlik va tamg‘alarni buzganlik uchun jazolar qat’iylashtirildi appeared first on Daryo .
Batafsil | Подробно | Read more... Daryo