Mirjalol Qosimov: Shomurodovning o‘yini qoniqarsiz. U o‘z ustida ishlashni pasaytirib yubordi

“Bunyodkor” — “Qo‘qon-1912” klublari o‘rtasidagi uchrashuvdan so‘ng mezbonlar bosh murabbiyi Mirjalol Qosimov hujumchi Eldor Shomurodov haqida berilgan savolga quyidagicha javob qaytardi :

Foto: “Bunyodkor”

Eldor Shomurodovning o‘yini qoniqarsiz. Avvalambor, u iqtidorli futbolchi. Individual jihatdan kuchli. Ammo bu yilgi o‘yinlarida ancha pasayish bor. Bunda uning omadi chopmayapti demagan bo‘lardim. Shomurodov o‘z ustida ishlashni pasaytirib yubordi. Balki xayoli chetga ketishdadir. Futbolchi shartnomasi tugagunga qadar o‘ynab berishi kerak. Futbolni majburan yoki tanish-bilishchilik evaziga o‘ynatib bo‘lmaydi.
Yaqinda unga statistikani ko‘rsatdim, hujumchi uchun gol muhim. Shomurodov esa joriy mavsum chempionatda hali birorta gol urgani yo‘q. Imkon qadar u bilan alohida gaplashib, holatini yaxshilashga harakat qilyapman. Umid qilamanki, davralar oralig‘ida o‘z sport formasini tiklaydi va ikkinchi davra o‘zini yaxshi tomondan ko‘rsatadi.
Mirjalol Qosimov, “Bunyodkor” bosh murabbiyi
“Bunyodkor” sobiq bosh murabbiyi Sergey Lushchan qo‘li ostidagi futbolchilar juda yosh ekani haqida ko‘p bor ta’kidlardi. Jurnalistlarning yosh futbolchilar bilan ishlash qiyinchiligi borasidagi savoliga Qosimov shunday javob qaytardi:
Tarkibda 16—17 yoshli futbolchi yo‘q. 20 yoshdan oshgan futbolchini esa yosh deyishni bas qilish kerak. Tarkibdagi futbolchilarimizning barchasi qizlar bilan gaplashadigan bo‘lgan, endi ularning nimasi yosh? Oddiy misol sifatida mana “Ayaks”ni olib qarang. Bular allaqachon ulg‘ayishi lozim.
Mirjalol Qosimov, “Bunyodkor” bosh murabbiyi
Qosimov qo‘qonlik futbol muxlislari va No‘mon Hasanov shakllantirgan jamoa haqida iliq fikr bildirdi.
Qiziqarli, shiddatkor va jangovor o‘yin guvohiga aylandik. Bu kabi uchrashuvlar muxlislarga yoqadi, ular sifatli futbol ko‘rishdi. Qo‘qondan tashrif buyurgan muxlislar garchi uylariga tushkun kayfiyatda qaytayotgan bo‘lsa-da, futboldan zavq olishdi, deb o‘ylayman, ularga katta rahmat.
O‘yinda ko‘plab vaziyatlar yaratdik. Lekin ulardan foydalanish darajasi past. Bugun chiziqlar orasida bo‘shliq yuzaga keldi. Ayrim futbolchilar terma jamoa ixtiyoridan yetib kelgani bois biroz toliqish kuzatildi. Bu futbolda bo‘lib turadigan narsa.
“Qo‘qon-1912” juda yaxshi jamoa. Hasanov ajoyib tarkibni shakllantirmoqda, yaxshi futbolchilar yig‘ilgan. Legioner hujumchi Rayevats ham yaxshi imkoniyatlarga ega ekani ko‘rindi.
Mirjalol Qosimov, “Bunyodkor” bosh murabbiyi
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Mirjalol Qosimov: Shomurodovning o‘yini qoniqarsiz. U o‘z ustida ishlashni pasaytirib yubordi appeared first on Daryo .
Batafsil | Подробно | Read more... Daryo