AQSh koalitsiyasi Suriya qurolli kuchlari samolyotini urib tushirdi

AQSh rahbarligidagi koalitsiya 18-iyun, yakshanba kuni Raqqa yaqinida Suriya harbiy-havo kuchlari samolyotini urib tushirdi, deb yozadi Suriyaning SANA agentligi.

Foto: EADaily

“Bizning samolyotimizni bugun tush paytida Raqqa shahri yaqinida IShIDga qarshi topshiriqni bajarayotgan vaqtida urib tushirishdi”, — deya ma’lum qildi Suriya mudofaa vazirligi.
Harbiy muassasa xabariga ko‘ra, uchuvchining taqdiri haqida hozircha ma’lumotlar yo‘q.
Ba’zi ma’lumotlar bo‘yicha, samolyot G‘arb mamlakatlari muxolifat deb ataydigan, Damashqdagilar esa terrorchilar deb hisoblaydigan demokratik kuchlar deb ataluvchi qurolli guruhlar pozitsiyalarida “ishlagan”.
Suriya hukumati samolyotga berilgan zarbani Suriya armiyasi va uning ittifoqdoshlari muvaffaqiyatlari fonida namoyon qilingan va qasddan qilingan tajovuz deb atadi. “Bu xatti-harakatlar shuni isbotlaydiki, AQSh va uning koalitsiya bo‘yicha sheriklari terrorchilarni qo‘llab-quvvatlaydi”, — deya ta’kidlashdi mudofaa vazirligidagilar.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post AQSh koalitsiyasi Suriya qurolli kuchlari samolyotini urib tushirdi appeared first on Daryo .
Batafsil | Подробно | Read more... Daryo