AQShning IShIDga qarshi kampaniyasi muvofiqlashtiruvchisi o‘zgardi

AQSh prezidenti Barak Obama Brett Makgurkni “Iroq va Shom islom davlati”ga qarshi kurash masalalari bo‘yicha AQSh boshliq koalitsiyadagi prezidentning yangi maxsus vakili etib tayinladi. Bu haqda “TASS” xabar bermoqda .

Foto: Reuters

Reuters’ning xabar berishicha, Makgurk ko‘p vaqtdan beri Oq uyning Iroq bilan bog‘liq masalalar bo‘yicha maslahatchisi hisoblanadi. U, shuningdek, IShIDga qarshi xalqaro koalitsiyadagi maxsus vakil vazifasini bajargan general Jon Allenning o‘rinbosari ham edi.
Allen “kelasi oydan” iste’foga chiqayotgani munosabati bilan, Brett Makgurk uning koalitsiyadagi ishini davom ettiradi.
Obama Makgurkdan “AQShning Iroq bilan hamkorligini mustahkamlashni va IShID va boshqa aqidaparastlik guruhlari faoliyati kuchayishiga sabab bo‘layotgan Suriyadagi fuqarolar urushini tugatish uchun mintaqadagi hamkorlar bilan faol ishlashni” so‘radi.
Batafsil | Подробно | Read more... Daryo