Nigeriyada xudkush terrorchi amalga oshirgan portlash oqibatida 3 kishi halok bo‘ldi

Nigeriya shimoli-sharqidagi Mayduguri shahrida xudkush terrorchi tomonidan amalga oshirilgan portlash natijasida kamida uch kishi halok bo‘ldi, bir necha kishi jarohatlandi, deb xabar beradi “TASS”.

Foto: “Dni24.com”

Kecha, 23-oktabr kuni mamlakatda ikkita terakt amalga oshirildi. Teraktlar natijasida 55 kishi vafot etdi, 100 dan ortiq odam jabrlandi.
Nigeriyaning shimoli-sharqidagi eng katta shahar hisoblangan Mayduguri ilgari ham “Boko Haram” terrorchilik guruhi tomonidan ko‘p marta hujum va teraktlar nishoni bo‘lgan. “Boko Haram” Nigeriyaning shimoli va shimoli-sharqida harakat qiladi. Uning jangarilari Niger, Kamerun va Chad davlatlarining hududida ham hujumlar uyushtirib turadi.
2015-yilning mart oyida “Boko Haram” IShID terrorchilik guruhiga sodiqligi to‘g‘risida qasamyod qabul qilgan edi .

Top News