KXDRdan qaytib kelgan amerikalik talabaning oilasi murdani yorishdan bosh tortdi

Shimoliy Koreyadagi qamoqxonada jazo muddatini o‘tagan va AQShga qaytgach, tezda vafot etgan amerikalik talaba Otto Uormbirning oilasi murdani yorishdan bosh tortdi. Uormbir 19-iyun, dushanba kuni vafot etdi, ungacha u KXDRda 15 oydan ortiq vaqtni hibsda o‘tkazdi, deb yozadi “Korrespondent.net”.

Foto: “Korrespondent.net”

Tergovchi bayonotida aytilishicha, “ayni paytgacha Otto Uormbirning o‘limi bo‘yicha hech qanaqa xulosaga kelinmagan”.
Shimoliy Koreya 22 yoshli Otto Uormbirni AQShga o‘tgan hafta “insoniylik nuqtai nazaridan” topshirdi. Bu vaqtgacha u bir yilga yaqin vaqt koma holatida bo‘lgan.
Uning ota-onasi yigit dahshatli azoblarga duchor bo‘lganini aytdi. Oxir-oqibat, mehmonxonadan targ‘ibot plakatini o‘g‘irlab ketgan Otto hushiga kelmasdan, o‘z vatanida vafot etdi.
Shimoliy Koreya ta’kidlashicha, Uormbir 2016-yil martidagi sud majlisidan keyin ko‘p o‘tmay, botulizm (falajlikni keltirib chiqaruvchi kamyob kasallik)ni yuqtirib olgan. Unga uyqu dori berishgan va o‘shandan buyon u komadan chiqmagan.
Ammo Ottoni Sinsinnatida davolagan shifokorlar guruhi yigitda hech qanaqa botulizm belgilari bo‘lmaganini aytdi. Ularning fikricha, u “og‘ir nevrologik shikastlanish”dan azob chekkan, u miya to‘qimasining katta ko‘lamda yo‘qotilishiga olib kelgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post KXDRdan qaytib kelgan amerikalik talabaning oilasi murdani yorishdan bosh tortdi appeared first on Daryo .
Batafsil | Подробно | Read more... Daryo