Ahrol Inoyatov Babayanning qochib yurgani haqida aytib, yahudiylardan o‘rnak olishga chaqirdi

21-iyun kuni Xalqaro press-klubda bo‘lib o‘tgan “O‘zbekistonda sport: yangi vazifalar, olimpiya harakati va sog‘lom turmush tarzi” mavzusidagi anjumanda O‘FF qoshida tashkil etilgan Kelishilgan o‘yinlarga qarshi kurashish qo‘mitasi boshlig‘i Ahrol Inoyatov ham ishtirok etdi va jurnalistlar tomonidan berilgan savollarga javob qaytardi.

Foto: Xalqaro press klub

Ahrol Inoyatovning ma’lum qilishicha, O‘zbekiston milliy terma jamoasi bosh murabbiyi Samvel Babayan o‘zini-o‘zi tanimayapti va stadionlarga kelmay, qochib yuribdi. Shu boisdan ham uni qo‘llab-quvvatlash kerak.
Hozir Babayan o‘zini-o‘zi tanimayapti. Qochib yuribdi, stadionlarga kelmayapti. Yomon desang, yomon bo‘lib ketaveradi. Yordam beraylik, yomon bo‘lib ketmasin. Imkoniyatimiz bor-ku.
Yigitlar, 2 oy qoldi. Ichimizda har xil niyatlarimiz bor. Yaxshi ko‘ramizmi, yomon ko‘ramizmi shu 2 oy ichida uni qo‘llashimiz kerak.
Ahrol Inoyatov, O‘FF vakili
Samvel Babayan matbuot anjumani oldidan Konfederatsiyalar kubogini tomosha qilish uchun Rossiyaga jo‘nab ketgandi . Xalqaro press-klub raisi Sherzod Qudratxo‘jayevning ma’lum qilishicha, milliy terma jamoa murabbiyi anjumanga taklif etilmagandi.

Foto: Xalqaro press klub

Yig‘ilishda Samvel Babayan shogirdlari g‘olib chiqayotganida hech kim uni tanqid qilmagani, yutqazishni boshlaganida esa jamoa tanqidlar yomg‘iri ostida qolib ketganiga urg‘u berildi.
Yaxshi kunda o‘rtoqmiz, yomon kunida ketdingiz. Nega yutgan vaqtlarida negativ fikr bermadik bittamiz ham? Birorta murabbiy yomon so‘z aytmadi.
Ahrol Inoyatov, O‘FF vakili

Ma’lumot uchun: Samvel Babayan boshqaruvida O‘zbekiston milliy terma jamoasi FIFA reytingida o‘zidan keyingi o‘rinlarda turuvchi jamoalarnigina mag‘lub etdi. O‘zidan kuchli bo‘lgan Eronga ikki marta, Janubiy Koreyaga esa bir marta yutqazdi. Beqaror vaziyat hukmronlik qilayotgan Suriya futbolchilari ham O‘zbekiston termasidan ustun kelishning uddasidan chiqa oldi.
Solishtirish uchun: 2014-yilgi JCh saralashida Vadim Abramov boshqaruvidagi jamoa Yaponiyani taslim qilishga muvaffaq bo‘lgandi. Keyinroq Mirjalol Qosimov shogirdlari Janubiy Koreya bilan durang o‘ynab, safarda Eronni mag‘lub eta olgandi. Samvel Babayan hal qiluvchi saralashning sakkiz o‘yinida 12 ochko ishladi, to‘rt yil avval deyarli shu raqiblarga qarshi yetti o‘yinda Mirjalol Qosimov jamoasi 14 ochko olishni uddalagandi.

Ahrol Inoyatov fikrlar orasida Samvel Babayan tomonidan O‘zbekiston termasining hozirgi avlodi tarixdagi eng zo‘ri deb e’lon qilinganiga ham munosabat bildirdi.
Bizning terma zo‘r deydi, hech qachon shunday bo‘lmagan deydi. Qani Mirjalol, Shkvirin, Pyatnitskiy, Kechinovlar vaqti? Nima, 94-yilgi jamoa yomonmidi? Yaxshi edi. Bu termadan yomon emasdi.
Ahrol Inoyatov, O‘FF vakili
So‘zining yakunida Inoyatov vaziyatdan chiqish uchun “bunisi ham yaxshi”, deb qo‘shib qo‘ydi. Avvalroq O‘zbekiston milliy terma jamoasi a’zosi Server Jeparov ham Samvel Babayan qo‘li ostidagi tarkib eng kuchlisi emasligiga sha’ma qilgandi .
Ahrol Inoyatov fikrlari orasida yahudiylardan o‘rnak olish mumkinligini ta’kidladi:
Yevreylar hech qachon o‘z bolasini yomon demaydi. Sen aqllisan, sen yaxshisan, sen zo‘rsan, sendan yaxshi futbolchi, yaxshi olim chiqadi deydi. Biz hozir buni yomonlayversak, mog‘orlab ketadi.
Ahrol Inoyatov, O‘FF vakili
So‘rovnoma: O‘zingizga tegishli bo‘lgan “Ishonch” sharini O‘FFga berarmidingiz?
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Ahrol Inoyatov Babayanning qochib yurgani haqida aytib, yahudiylardan o‘rnak olishga chaqirdi appeared first on Daryo .
Batafsil | Подробно | Read more... Daryo