“Grin kard” lotereyasida ro‘yxatdan o‘tish 1-oktabr kuni boshlangan bo‘lib, 3-noyabrga qadar davom etadi, deya xabar bermoqda “12news.uz”
Foto: “12news.uz”
“2017-yil Turli millat vakillari uchun immigratsion viza lotereyasi — DV” (“Grin kard”) dasturida ishtirok etish uchun O‘zbekiston fuqarolari o‘rta ta’limga teng ma’lumotni olgan bo‘lishi kerak. Ro‘yxatga olish faqat onlayn rejimda amalga oshiriladi. Barcha arizalar http://www.dvlottery.state.gov internet sahifasida elektron ko‘rinishda topshiriladi.
AQShning O‘zbekistondagi elchixonasi lotereyada ishtirok etishga qiziqish bildirayotgan shaxslarni turli firmalar xizmatlaridan foydalanmaslik va ularga pul to‘lamaslik haqida ogohlantirdi. Elchixonaning alohida qayd etishicha, lotereyada ishtirok etish bepul, unda ishtirok etmoqchi bo‘lganlar vositachilarni jalb etmay arizalarni o‘zlari to‘ldirganlari ma’qul.
“AQSh Davlat departamenti dastur ishtirokchilaridan, ular g‘olib sifatida AQSh elchixonasi yoki konsulligiga viza suhbatidan o‘tish uchun murojaat qilmagunicha, pul olmaydi. Viza suhbatiga qadar oldindan pul to‘lash kerakligi haqidagi har qanday xat yoki bildirishnoma firibgarlarning ishi sifatida baholanishi kerak”, — deydi AQSh elchixonasi Konsullik bo‘limi rahbari Rayan Xeyli.
AQSh elchixonasi vakillarining ta’kidlashicha, “Grin kard” lotereyasida ishtirok etish uchun vositachi firmalar xizmatidan foydalanish, birinchidan, unda g‘olib chiqish imkoniyatini oshirmaydi. Ikkinchidan, vositachi anketada ishtirokchining emas, balki o‘zining manzilini ko‘rsatadi va ishtirokchi g‘olib chiqsa, zarur ma’lumotlarni taqdim etish uchun katta miqdorda pul talab qilishi mumkin.
Uchinchidan, vositachi qo‘lga kiritgan ma’lumotlari asosida kelajakda o‘zi ishtirokchi o‘rniga ariza to‘ldirishi mumkin, bunday holatda ishtirokchining o‘zi mustaqil ravishda ariza to‘ldirsa, bir kishi nomidan ikkita ariza tizimga kelib tushadi, bu holat lotereya qoidalariga zid bo‘lib, ishtirokchi chetlatiladi. Chunki bir ishtirokchi bir yilda faqat bir marta ariza topshirishi mumkin.
Rayan Xeylining so‘zlariga ko‘ra, AQSh Konsullik xizmatlari byurosi veb-saytida DV 2017 dasturi bo‘yicha o‘zbek va rus tillaridagi yo‘riqnomalar bilan tanishish mumkin. Lotereya natijalarini 2016-yil 3-may sanasidan boshlab tekshirish mumkin.
Batafsil | Подробно | Read more... Daryo
Related News
Top News
-
Суперлига. "Металлург" ҳамда "Навбаҳор" жамоалари ўртасидаги баҳсларда устунлик ким тарафида?
Бугун Суперлигада 9-тур ўйинлари давом эттирилади.
-
Ekologik ekspertiza xulosasi bo‘lmagan issiqxonalar va sanoat korxonalariga gaz yetkazib berish to‘xtatiladi.
Toshkent shahri va uning atrofidagi sanitariya himoya mintaqasida (rejimli obektlar atrofida) qo‘shimcha issiqxona va atmosfera havosini...
-
Xitoy Tayvan yaqinida harbiy mashg‘ulotlarni boshladi.
Tayvanning yangi prezidenti lavozimini egallaganidan keyin uchinchi kuni Xitoy orol yaqinida dengiz manyovrlarini boshladi. Ular ikki kun davom...
-
Makron tartibsizliklar kuzatilayotgan Yangi Kaledoniyaga bordi.
Yangi Kaledoniyaning ko‘plab mahalliy aholisi fransuz ko‘chmanchilarining ta’siri kuchayishidan xavotirda. Fransiyaning xorijdagi ushbu hududida...
-
Saida Mirziyoyeva va Komil Allamjonov Yevropa Ittifoqining Markaziy Osiyo bo‘yicha maxsus vakili bilan uchrashdi .
Uchrashuvda madaniy almashinuvlar, ta’lim, ayollar huquqlarini himoya qilish masalalari muhokama etildi. .
-
Совершенствуется механизм оценки деятельности «Махаллинской семерки»
Работа помощника хокима, молодежного лидера, женской активистки, инспектора по профилактике, социального работника и налогового инспектора будет...