Davlat dumasida turar-joylarda so‘kinganlik uchun jazo berish to‘g‘risidagi qonun loyihasini ma’qullashdi

Rossiya davlat dumasining davlat qurilishi va qonunchilik bo‘yicha qo‘mitasi “mayda bezorilik” moddasining amal qilishini turar-joylarga ham joriy etishni taklif qiluvchi qonun loyihasini birinchi o‘qishda qabul qilishni tavsiya etdi, deb yozadi Meduza.

Foto: “TVC.ru”

Mayda bezorilik deganda xususan, “fuqarolarga haqoratli xiralik qilish” va qo‘pol so‘kinish ko‘zda tutilmoqda.
Qonun loyihasi mualliflari ma’muriy huquqbuzarliklar haqidagi kodeksning ushbu moddasidan “jamoat joylarida” degan tafsilotni olib tashlashni taklif qilmoqda. Shu tariqa, ular turar-joylarda, shu jumladan, “oilaviy-maishiy nizolar asosida” amalga oshiriladigan qoidabuzarliklar uchun jazolash imkonini bermaydigan “huquqiy kamchilik”ni bartaraf etmoqchi.
Shuningdek, qonun loyihasida mayda bezorilik uchun jarimalarni ko‘paytirish va ushbu modda bo‘yicha jazo turi sifatida majburiy ishlarni joriy qilish taklif etilmoqda. Ma’muriy qamoqning maksimal muddatini avvalgidek 15 sutka deb qoldirishni taklif qilishmoqda.
Davlat dumasining ba’zi deputatlari ushbu qonunning zarurligi yuzasidan shubha bildirmoqda. “Qanday qilib ular oilada so‘kingan har bir kishini 15 sutkaga qamamoqchi?” — dedi deputatlardan biri anonimlik sharti ostida. Shu bilan birga, u vakolatli qo‘mita tasdiqlaganidan so‘ng qonun loyihasi qabul qilinishiga ishonch bildirdi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Davlat dumasida turar-joylarda so‘kinganlik uchun jazo berish to‘g‘risidagi qonun loyihasini ma’qullashdi appeared first on Daryo .
Batafsil | Подробно | Read more... Daryo