Samvel Babayan Xitoy va Koreyaga qarshi o‘yinlarga dastur ishlab chiqdi. Yig‘in yana xorijda o‘tadi

O‘zbekiston milliy terma jamoasi bosh murabbiyi Samvel Babayan rahbarlik qilgan yig‘ilishda Jahon chempionati saralash bosqichi doirasidagi Xitoy va Janubiy Koreya bilan o‘yinlarga tayyorgarlik dasturi tasdiqlandi, deb yozdi O‘FF matbuot xizmati. Qachon o‘tishi allaqachon ma’lum bo‘lgan o‘yinlarga tayyorgarlik dasturi bunga qadar umuman yo‘qmidi yoki bor — oydinlik kiritilmagan.

Foto: O‘FF

Dasturga ko‘ra, milliy terma jamoa a’zolari 17—23-iyul kunlari xorijda o‘quv-mashg‘ulot yig‘inlarini o‘tkazadi. Unda 2 ta nazorat o‘yinini o‘tkazish rejalashtirilgan. Shuningdek, yig‘inda yangi futbolchilarni sinovdan o‘tkazish masalasi ustuvor vazifa sifatida kun tartibiga kiritilgan.
Bunda qaysi mamlakat yig‘in uchun tanlab olingani, unda terma asosini tashkil etadigan legioner futbolchilarning ishtirok etish yoki etmaslik masalasi, o‘rtoqlik o‘yinlari kimlarga qarshi o‘tishi ochiqlanmagan. Mantiqqa ko‘ra, tasdiqlangan rejada bu nomlar aniq bo‘lishi kerak. Aniq bo‘lmasa, uni tasdiqlash qanchalik to‘g‘ri ma’lum emas. Avvalroq O‘FF bosh kotibi Sardor Rahmatullayev O‘FFda hamma narsa shaffof ekani haqida aytib o‘tgandi.
Milliy termaning keyingi yig‘ini avgustning oxirgi o‘n kunligida boshlanadi. Terma jamoa a’zolari 20-avgustdan e’tiboran yig‘inga kiradi. 24 yoki 25-avgustda Toshkentda o‘rtoqlik uchrashuvini tashkil qilish ko‘zda tutilgan. Ayni paytda O‘FF janubi-sharqiy Osiyo jamoalari bilan o‘rtoqlik uchrashuvini o‘tkazish borasida muzokaralar olib bormoqda.
Xitoy va Koreyaga qarshi o‘yinlar sanasi 1 yil avval ma’lum bo‘lgani holda, O‘FF nima sababdan iyun oyining o‘rtalariga kelib raqib izlashni boshlagani aytilmagan. Shaffof tashkilot nima sababdan rejalarini oldindan ishlab chiqmasligi va katta o‘yinlarga munosabatni bu taqlid olib borishi haqida so‘z bormagan.
31-avgust kuni Vuxan shahrida Xitoy termasiga qarshi bo‘lib o‘tadigan JCh—2018 saralash o‘yiniga O‘zbekiston terma jamoasi 28-avgustda jo‘nab ketishni rejalashtirgan. Delegatsiya Xitoy bilan o‘yinni tugatiboq, 1-sentabr kuni kechasi Toshkentga qaytib keladi va 5-sentabrdagi Janubiy Koreya bilan o‘yinga tayyorgarlik ko‘radi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Samvel Babayan Xitoy va Koreyaga qarshi o‘yinlarga dastur ishlab chiqdi. Yig‘in yana xorijda o‘tadi appeared first on Daryo .
Batafsil | Подробно | Read more... Daryo