OAV: Xitoyda sodir bo‘lgan ko‘chki oqibatida 200 kishi bedarak yo‘qolgan bo‘lishi mumkin

Xitoyning Desi shahridagi (Sichuan provinsiyasi) Sinmo qishlog‘ida sodir bo‘lgan ko‘chki oqibatida bedarak yo‘qolganlar soni 200 kishini tashkil etishi mumkin. Bu haqda SINA portali Xitoy Xalq qurolli militsiyasining 5-brigadasi boshlig‘i Chen Teboga asoslanib ma’lum qildi, deb xabar berdi “TASS”.

Foto: SINA

Shuningdek, portalda qutqaruvchilar ko‘chki ostidan ikki nafar tirik qolgan insonni chiqarib olgani haqida ma’lumot paydo bo‘ldi.
Voqea joyida qidiruvni amalga oshirayotgan ekskavatorlar va 500 da ortiq qutqaruvchilar ishini yomg‘ir qiyinlashtirmoqda. Hukumat jabrlanganlarni tezroq shifoxonaga yetkazish maqsadida yaqin atrofdagi avtotrassalarni berkitib qo‘ydi. Ko‘chki oqibatida paydo bo‘lgan bir qator muammolarning tezkor yechimi bilan shug‘ullanuvchi hukumatning ekspert ishchi guruhi tashkil etildi.
Provinsiya ma’muriyati talofat ko‘lamini baholamoqda. Jabrlanganlar soni aniqlanmoqda.
Sinmo qishlog‘idagi ko‘chki 24-iyun kuni mahalliy vaqt bilan soat 06:00 (Toshkent vaqti bilan 03:00) da sodir bo‘lgan. Umumiy miqdorda tosh va qoyalar ostida 40 ta uy xo‘jaligi qolib ketgan.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post OAV: Xitoyda sodir bo‘lgan ko‘chki oqibatida 200 kishi bedarak yo‘qolgan bo‘lishi mumkin appeared first on Daryo .
Batafsil | Подробно | Read more... Daryo