AQShda ikkita “qiyomat kuni” samolyoti tornado sabab shikastlandi

AQSh harbiy-havo kuchlarining Nebraska shtatidagi Offut bazasiga joylashtirilgan samolyotlari, shu jumladan, ommaviy nizolar vaqtida oliy rahbariyatning havo qo‘mondonligi punktiga aylanadigan ikkita E-4B samolyotiga tornado sababli zarar yetdi. Bu haqda CNN telekanaliga tayanib, “TASS” xabar bermoqda .

Foto: “TASS”

AQSh harbiy-havo kuchlari vakilining jurnalistlarga ma’lum qilishicha, hodisa 16-iyunda yuz bergan. Hammasi bo‘lib 10 ta samolyot zararlangan. Ular qatorida Boeing korporatsiyasi mahsuloti bo‘lgan ikkita E-4B ham bor. Bu samolyotlar AQShda “qiyomat kuni samolyotlari” deb ataladi. Samolyotlar yadroviy urush holatida yer usti boshqaruv inshootlari yo‘q qilingan taqdirda harakatga kelishga mo‘ljallangan.
AQSh harbiy-havo kuchlarining ma’lumotiga ko‘ra, bu samolyotlar AQSh prezidenti va mudofaa vaziri, shuningdek, qurolli kuchlar shtab boshliqlari qo‘mitasi uchun mo‘ljallangan. Bitta shunday samolyotning narxi o‘rtacha 200 million dollarni tashkil qiladi.
“RIA Novosti”ning yozishicha , Boeing E-4B 1970-yillarda sovuq urush davrida yaratilgan. U yadroviy urush holatida osmonda bir necha kun davomida parvoz qila oladi. CNN ma’lumotlariga ko‘ra, AQSh harbiy-havo kuchlarining ixtiyorida kamida to‘rtta E-4B doimiy tayyor holatda turadi. Ulardan biri bir necha daqiqa ichida parvozga tayyor bo‘la oladi va davlat rahbarini safarlar davomida kuzatib boradi. Tornado yuz bergan kuni bu samolyot bazada bo‘lmagan.
Shuningdek, tornado oqibatida sakkizta Boeing RC-135 razvedkachi samolyotga ham zarar yetgan. Ulardan oltitasi allaqachon ta’mirlangan va parvozga tayyor.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post AQShda ikkita “qiyomat kuni” samolyoti tornado sabab shikastlandi appeared first on Daryo .
Batafsil | Подробно | Read more... Daryo