AQSh davlat kotibi Qatar va arab mamlakatlari muzokaralarni boshlashi zarurligini ta’kidladi

AQSh davlat kotibi Reks Tillerson Qatar va unga qarshi o‘z talablarini ilgari surgan to‘rt arab mamlakatini murosaga kelish uchun muzokaralar stoliga o‘tirishi zarurligini ma’lum qildi. Bu haqda “Gazeta.ru” xabar bermoqda .

Foto: Reuters

Reks Tillersonning so‘zlariga ko‘ra, AQSh uning ittifoqchilari va hamkorlari “bir maqsad, aynan — terrorizmni yo‘q qilish va ekstremizmga qarshi kurash yo‘lida birgalikda harakat qilsagina kuchli bo‘lishiga ishonadi”.
Tillersonning alohida qayd etishicha, Qatarga nisbatan og‘zaki bosimning pasayishi ham nizoli holatni bartaraf etishga bir qadar yordam bergan bo‘lardi. Uning qo‘shimcha qilishicha, Vashington nizolashayotgan arab mamlakatlarining har biri bilan aloqani saqlashda davom etadi.
Ayni vaqtda, Reks Tillersonning bayonotida Qatar uning oldiga qo‘yilgan talablarni e’tibor bilan o‘rganib chiqishga kirishgani ma’lum qilingan.
Avvalroq AQSh prezidenti Donald Tramp Qatar bilan bog‘liq vaziyat tufayli arab mamlakatlarini yarashtirish maqsadida sammit chaqirish niyatida ekani haqida xabar berilgan edi.
Saudiya Arabistoni, Misr, Bahrayn va BAA nizoli vaziyatni tugatish maqsadida 13 talabdan iborat hujjatni Qatarga yo‘llagan. Kuvayt mazkur jarayonda vositachi sifatida qatnashmoqda. Qatar rahbariyati to‘rt arab mamlakati tomonidan qo‘yilgan talablarni “noreal” deb atadi.
Arab mamlakatlari o‘rtasidagi diplomatik nizo 5-iyun tongida boshlangan. Qatar bilan diplomatik aloqalarni birinchi bo‘lib Saudiya Arabistoni, Bahrayn, Misr va BAA uzgan edi. Ular Qatarni terrorizm va terrorchilik tashkilotlarini qo‘llab-quvvatlashda ayblamoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post AQSh davlat kotibi Qatar va arab mamlakatlari muzokaralarni boshlashi zarurligini ta’kidladi appeared first on Daryo .
Batafsil | Подробно | Read more... Daryo