BP: O‘zbekiston 2016-yilda 11,4 milliard kubometr tabiiy gaz eksport qildi

British Petroleum’ning ma’lumotlari ga ko‘ra, O‘zbekistonda 2016-yilda neft qazib olish 2015-yilga nisbatan 3,1 foizga kamayib, 2,6 million tonnani tashkil qildi. Tabiiy gaz qazib olish esa 8,4 foizga o‘sib, 62,8 milliard kubometrni tashkil qildi, deb yozadi Trend axborot agentligi.
O‘tgan yili, British Petroleum’ning ma’lumotlariga ko‘ra, O‘zbekiston 11,4 milliard kubometr, shu jumladan, Rossiyaga 5,6 milliard kubometr, Xitoyga 4,3 milliard kubometr, Qozog‘istonga 1,5 milliard kubometr tabiiy gaz eksport qilgan.
“O‘zbekneftgaz” milliy xolding kompaniyasi ozarbayjon va turkman sheriklar bilan Kaspiy dengizi havzasida bir nechta qo‘shma loyihani amalga oshirishni rejalashtirmoqda.
Avvalroq “O‘zbekneftgaz” bu yo‘nalishda hamkorlikdagi faoliyatni aniqlashtirishni ko‘zda tutuvchi anglashinuv memorandumlarini imzolagan edi.
Xususan, “Turkmennebit” davlat konserni bilan imzolangan memorandum “Kaspiy dengizining Turkmanistondagi konlarini o‘rganish va ularda neft qazib olish bo‘yicha o‘zaro manfaatli va uzoq muddatli hamkorlikni o‘rnatishni nazarda tutadi”.
Ozarbayjonning SOCAR kompaniyasi bilan imzolangan memorandum O‘zbekiston tomonini amalda foydalanilayotgan konlarga hamkor sifatida qabul qilishni ko‘zda tutgan.
“Ozarbayjon tomoni bizga dengizda ishlash uchun xodimlar tayyorlashga, ish uchun texnologik va ruhan tayyorlanishga yordam beradi”, — degan edi “O‘zbekneftgaz” MXK boshqaruvi raisi Alisher Sultonov Xalqaro press-klubning yig‘ilishida.
Xalqaro bozorga chiqish vazifasini soha oldiga O‘zbekiston Prezidenti Shavkat Mirziyoyev qo‘ygan. 1992-yildan boshlab, o‘zining butun faoliyati davomida “O‘zbekneftgaz” O‘zbekiston hududidan tashqarida loyihalarni amalga oshirmagan.
200 dan ortiq korxona va kompaniyalarni birlashtiruvchi “O‘zbekneftgaz” MXKning quvvati bir yilda 60 — 70 milliard kubometr tabiiy gaz, sakkiz million tonna suyuq uglevodorod qazib chiqarish imkonini beradi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post BP: O‘zbekiston 2016-yilda 11,4 milliard kubometr tabiiy gaz eksport qildi appeared first on Daryo .
Batafsil | Подробно | Read more... Daryo