Mashhur siyosatchi ayollar qaysi brenddagi liboslarni xush ko‘radi (foto)

Bugungi kunda siyosat dunyosi yulduzlari shou-biznes vakillari kabi mashhur. Dunyo yangiliklari ko‘ngilochar dasturlar o‘rnini egalladi. AQSh yoki Fransiya saylovoldi poygasi, Brexit bilan bog‘liq tadbirlar “Kardashyanlar oilasi” realiti-shousi bilan raqobatlasha oladi. Bunda barcha tafsilotlar: harakatlar, nutq ohangi va albatta garderob omma e’tiboridan chetda qolmaydi.
Forbes Woman siyosat maydonida eng ko‘p muhokama etiluvchi, zamon bilan hamnafas siyosatchi ayollar: Tereza Mey, Angela Merkel, Qirolicha Yelizaveta II va Hillari Klinton xush ko‘ruvchi brendlar haqida hikoya qiladi .
Hillari Klinton

Foto: Forbes Woman

Hillari Klinton mehnat faoliyati bilan bog‘liq butun hayotini siyosiy maydonda o‘tkazdi. U o‘z yo‘lini 1972-yilda demokratlardan nomzod Jorj Makgovernning saylovoldi shtabidan boshlagan. Keyin huquqshunos bo‘lib ishladi, turmush o‘rtog‘ining prezidentlik poygasidagi g‘alabasidan so‘ng 1993-yilda uning iltimosi bilan sog‘liqni saqlash sohasini isloh qilish qo‘mitasiga rahbarlik qildi. 2000-yilda Hillari Nyu-York shtatidan senat a’zoligiga saylangandan so‘ng uning mustaqil karyerasi boshlandi. 2007-yilda Klinton prezidentlik poygasida ishtirok etish rejasi haqida ma’lum qildi.
Uning liboslari ko‘zga tashlanmaydi, biroq juda xushbichimdir (Amerikaning Vogue jurnali bosh redaktori Anna Vintur uning stilisti hisoblanadi). Klinton omma oldida ko‘pincha Ralph Lauren, Giorgio Armani va Andrew Gn. liboslarida ko‘rinish beradi. Aksessuarlardan Mikimoto marvaridi, Chanel taqinchoqlari va Manolo Blahnik tuflilarini xush ko‘radi.
Angela Merkel

Foto: Forbes Woman

Germaniya federal kansleri Angela Merkel Forbes talqini bo‘yicha 11 marta dunyoning eng nufuzli ayoli nomiga sazovor bo‘lgan (oxirgi marta 2016-yilda). Biroq uning imkoniyatlariga qaramasdan, Germaniya birinchi xonimi garderobi doim tanqid ostiga olinadi. Merkelning uslubi Germaniya pragmatikligi timsolidir. Merkel yirik tugmali jaket va sondan boshlab kengaygan shimlarni ma’qul ko‘radi. Uning aksariyat komplektlari gamburglik dizayner Bettina Shenbax tomonidan yaratilgan. 2000-yillarning boshida u boshqa nemis dizayneri Anna fon Grizxaymning liboslarini ham kiya boshladi. 2008-yilda Oslo opera teatrining ochilish marosimida Merkel aynan shu dizaynerning ko‘ylagida ko‘rinish bergan. Uning sipo garderobini Longchamp fransuz brendi sumkalari va bo‘lajak kansler tomonidan 1996-yilda Kaliforniyada xarid qilingan rangli nakidka to‘ldirib turadi.
Tereza Mey

Foto: Forbes Woman

Britaniya bosh vaziri Tereza Mey siyosatda ham, modada ham konservativ qarashlarni afzal ko‘radi. U asosan Angliya brendlari: L.K. Bennett, Daniel Blake va Amanda Wakeley liboslarini ma’qul ko‘radi. Tereza Meyning yana bir sevimli dizayneri Vivyen Vestvuddir. Bosh vazir garderobida Vivienne Westwood brendi yashil-ko‘k katak-katak kostyumi bor.
Tereza Mey noodatiy oyoq kiyimlarni xush ko‘radi. U Russel & Bromley botfordlari, Beverley Feldmen’dan qoplon terisi nusxali lodochkalarini kiyadi. Bundan tashqai, uning kolleksiyasida Hobbs va Anya Hindmarch aksessuarlari bor.
Qirolicha Yelizaveta II

Foto: Forbes Woman

Yelizaveta II garderobida yorqin liboslar ko‘p. 2002-yildan buyon qirolicha kiyinish uslubi bilan Anjela Kelli shug‘ullanadi. U qirolicha uchun maxsus komplektlar yaratadi va istalgan soniyada unga yordam ko‘rsatish uchun Bukingem saroyida yashaydi. Kellining so‘zlariga qaraganda, Yelizaveta II liboslar uchun xarajatlarga pullarni behuda sarflamaydi va atrof-muhitga nisbatan g‘amxo‘r. Uning sipoligi va xaridlardagi chegarani bilishi sababi ham shunda.
Qirolicha faqat Britaniyaning Launer brendi sumkalarini olib yuradi. 1941-yilda tashkil topgan kompaniya har yili Yelizaveta II ning individual buyurtmasiga asosan to‘rtta sumka yaratadi. Qirolichaning sevimli modellari Diva va Traviata sumkalaridir.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Mashhur siyosatchi ayollar qaysi brenddagi liboslarni xush ko‘radi (foto) appeared first on Daryo .
Batafsil | Подробно | Read more... Daryo