Trevi favvorasiga qancha pul tashlanadi va u nimaga sarflanadi (foto)

Afsonaga ko‘ra Trevi favvorasiga tanga tashlagan odam albatta Rimga qaytib keladi. Agarda ikkita tashlansa — o‘z sevgisini uchratadi, uchta tashlasa — uni to‘y kutadi, to‘rtta esa — boylikdan dalolat.
Har yili millionlab turistlar XVIII asrda barokko usulida qurilgan favvoraga tashrif buyurib, deyarli barchasi baxt uchun u yerga choy-chaqa otadi. Suv ostida shu qadar ko‘p pul yig‘ilib qoladiki, xodimlar uni har kecha tozalashlariga to‘g‘ri keladi, deb xabar berdi Insider Pro.

Foto: Insider Pro

2016-yilda Trevi favvorasidan 1,5 million dollar yig‘ib olingan. Barcha pullar katolik cherkovining xayriya fondlariga yo‘naltirilgan.
Balandligi 25,9 metr hamda eni 19,8 metr bo‘lgan favvorani qurishni 1762-yilda Nikola Salvi boshlagan, Juzeppe Pannini esa oradan 30 yil o‘tib uning ishini yakunlagan. Favvora nomi unga eltuvchi uchta ko‘cha nomidan kelib chiqqan (italyancha “tre vie”) — Via Dey Krochichchi, Via Poli hamda Via Delle Muratte.

Foto: Insider Pro

Favvora yaqinda Italiyaning Fendi modalar uyi hisobiga rekonstruksiya qilingan edi. Ta’mirlash ishlariga 2,2 million dollar sarflangan.

Foto: Insider Pro

Har kuni munitsipal ishchilari favvora suvining ostini tozalab, turistlar tashlagan tangalarni yig‘adi. Undagi tangalar bir necha ming dollarni tashkil etadi.

Foto: Insider Pro

Yig‘ilgan tangalar tozalanadi, tortib ko‘riladi, sanaladi va xalqaro katolik notijorat tashkiloti Karitasga yuboriladi.

Foto: Insider Pro

Getty Images’ning 2005-yildagi ma’lumotlariga ko‘ra, bir yil davomida favvoradan 600 ming dollarga yaqin pul yig‘ib olingan. 2016-yilda esa ushbu mablag‘ 1,5 million dollarga yetgan.

Foto: Insider Pro

Avvallari favvorani oddiy o‘g‘rilar tunab ketgan. Bu ish Rim shahar kengashi ushbu faoliyatni noqonuniy deya topguniga qadar davom etgan.

Foto: Insider Pro

Trevi favvorasiga nafaqat tangalar tashlanadi. Ba’zida u yerdan ko‘zoynak, diniy ramzlar va hatto tish protezlari ham chiqib turadi.

Foto: Insider Pro

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Trevi favvorasiga qancha pul tashlanadi va u nimaga sarflanadi (foto) appeared first on Daryo .
Batafsil | Подробно | Read more... Daryo