“Majburiy obuna yo‘q!” deb aytgan “Xalq so‘zi” muharririning da’vosiga darhol qarshi dalillar keltirildi (video)

“O‘zbekiston” telekanalida Quddus A’zam muallifligida efirga uzatiladigan “Munosabat” ko‘rsatuvining 26-iyun soni “Ommaviy axborot vositalari va zamon” mavzusiga bag‘ishlandi.
Majburiy obuna muammosi — ko‘rsatuvga taklif qilingan mehmonlar tomonidan qizg‘in muhokama qilingan masalalardan biri bo‘ldi. Mavzu jurnalist Dilshod Bo‘riyev ning “majburiy obuna qilish holatlari — bor gap” qabilidagi mulohazalaridan so‘ng ochildi.
Majburiy obuna haqida gap bo‘ldi. Bu bor gap. Surishtirib kelsangiz, bu yerda ham qaysidir ma’noda korrupsiya bor. Bosim bilan obuna qildiriladi. Bu narsa baribir barham topadi. Lekin faqat davlat nashrlari majburiy obuna qiladi, deyish ham noto‘g‘ri.
Dilshod Hamroyev, jurnalist
Ko‘rsatuvning asosiy spikerlaridan biri — “Xalq so‘zi” gazetasi bosh muharriri o‘rinbosari Shuhrat Jabborov yosh hamkasbining majburiy obuna borasidagi fikrlariga qat’iy norozilik bildirdi. Xususan, u ochiq-oydin: “Majburiy obuna yo‘q!”, — deb aytdi.
Siz tazyiq ostida majburiy obuna qilinyapti, dedingiz. Hatto bu gapni korrupsiyagacha olib borib taqadingiz. Bu gaplaringizga men mutlaqo qo‘shilmayman. Shuni bilingki, gazeta — targ‘ibot degani. Gazeta odamlarga yaxshi narsalarni targ‘ib qiladi. Gazeta — mafkura degani. Shunday ekan, biz bu gazetamizni, kerak bo‘lsa, joylarga borganda targ‘ib qilamiz, o‘qishga da’vat qilamiz, qiziqtirishga harakat qilamiz. Buni esa siz majburiy obuna deb atayapsiz. Bu noto‘g‘ri. Majburiy obuna yo‘q!
Shuhrat Jabborov, “Xalq so‘zi” gazetasi bosh muharriri o‘rinbosari
“Xalq so‘zi” vakili o‘z fikrlarini tugatar-tugatmas, uning: “Majburiy obuna yo‘q!”, degan gapi studiyada bahs-munozaralarni keltirib chiqardi. Ko‘pchilik Shuhrat Jabborov ning bayonotidan norozilik bildirayotgan vaqtda “Jamiyat” gazetasi bosh muharriri Bekzod Shukurov asosan studiyaga qaratib: “Sizni kimdir majbur qildimi obuna bo‘lishga?”, deb savol qo‘ydi. Bu savolga javoban “Bekajon” gazetasi adabiy muharriri Karimberdi To‘ramurod o‘zi bevosita guvoh bo‘lgan voqeani so‘zlab berdi.
Men hali viloyat xalq ta’limi boshqarmasi, tuman xalq ta’limi bo‘limi, shifoxonalarni gapirib o‘tirmayman. O‘zim qatnashgan diniy idoradagi yig‘ilish haqida aytib beraman. Viloyat imom-xatibi har bir tuman imom-xatiblarini turg‘azib: “‘Xalq so‘zi’ga 200 tadan kam obuna bo‘lsang, imomlikni topshir”, dedi.
Karimberdi To‘ramurod, “Bekajon” gazetasi adabiy muharriri
Karimberdi To‘ramurod bu voqea qachon, aynan qaysi viloyatda yuz berganiga aniqlik kiritmadi. “Bekajon” muharririning bu so‘zlariga “Adolat” gazetasi bosh muharriri Islom Hamroyev shu zahoti: “Bo‘lmagan gap bu!”, deb munosabat bildirdi. Bekzod Shukurov esa yana savol qo‘ydi: “Karimberdi aka, siz savolga javob bering — sizni kimdir obuna bo‘lishga majbur qildimi?”.
Karimberdi To‘ramurod  bu savolga ham javob qaytardi: “Men javob beraman — ‘Xalq so‘zi’ga majburan obuna bo‘lganman. Maktab direktori majbur qilgan. O‘qituvchi edim. Oyligimdan ushlab qolgan. ‘Xalq so‘zi’ga, degan. Tamom”.
“Bekajon” muharririning dadil javobidan xafsalasi pir bo‘lgan “Jamiyat” gazetasi rahbari qo‘lini siltab: “E, gapni bunday olib qochmang-da”, — dedi, xolos.



“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Majburiy obuna yo‘q!” deb aytgan “Xalq so‘zi” muharririning da’vosiga darhol qarshi dalillar keltirildi (video) appeared first on Daryo .
Batafsil | Подробно | Read more... Daryo