Rossiyada MTS kompaniyasi aksiyalari xatlandi

Rossiya sud ijrochilari federal xizmatining Moskva shahar boshqarmasi “Sistema” aksiyadorlik-moliya korporatsiyasiga tegishli qator aktivlar aksiyalar paketini xatladi. Bu haqda “Kommersant” xabar bermoqda .

Foto: TJournal

Jumladan, “Medsi” klinikalar tarmog‘ining 100, BESKning 90,47, MTSning 31,76 foiz aksiyalari xatlandi. Mazkur chora “Rosneft” va “Bashneft”ning korporatsiyaga nisbatan 170,6 milliard rubl miqdoridagi da’vosini qondirish doirasida Boshqirdiston arbitraj sudi qaroriga asosan qo‘llandi. Shuningdek, sud “Sistema” AMK va “Sistema-invest”ning xatlangan aksiyalardan daromad olish huquqini ham chekladi.
“Da’voning o‘zi kabi ushbu choralar ham sud jarayonida masalaga oydinlik kiritish istagini bildirmaydi va kompaniyaga misli ko‘rilmagan bosim o‘tkazishga qaratilgan navbatdagi urinishni anglatadi. Aksiyadorlarimiz ‘Rosneft’ da’vosi tufayli shundoq ham aksiyalar qiymati pastlashi sababli 150 milliard rubl zarar ko‘rdi. Da’voni ta’minlashga qaratilgan choralar oqibatida bu zarar salmoqli darajada ortishini kutish mumkin. Biz da’vogarlarning talabini asossiz va noqonuniy deb hisoblaymiz va sud hamda sud ijrochilari xizmati qarorlariga shikoyat keltiramiz”, — dedi “Sistema” AMK vakili Sergey Kopitov.
Ma’lumot uchun, “Rosneft” vakillari “Bashneft” kompaniyasi 2013—2014-yillarda mulk tizimini qayta ko‘rib chiqish jarayonida 170,6 milliard rubl yo‘qotgan, deb hisoblaydi.
Mazkur kompaniya aksiyalarining nazorat paketi 2014-yilgacha “Sistema” AMK tasarrufida bo‘lgan va keyinchalik davlat ixtiyoriga o‘tgandi. 2016-yil oktabrida esa uni “Rosneft” sotib oldi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Rossiyada MTS kompaniyasi aksiyalari xatlandi appeared first on Daryo .
Batafsil | Подробно | Read more... Daryo