Finlyandiyada muhojirlar uchun har kuni 1 million yevro sarflanmoqda

Finlyandiyada har kuni bir nafar qochoq uchun o‘rtacha 43 yevro sarflanmoqda. Bu haqda, mamlakat Ichki ishlar vazirligi ma’lumotlariga asoslanib, “Exo Moskvi” xabar bermoqda .

Foto: The Telegraph

Yle’ning qayd etishicha, mazkur mablag‘ muhojirlarni Qochoqlarni qabul qilish markazlariga joylashtirish bo‘yicha xarajatlarni ham o‘z ichiga olgan. Qayd etishlaricha, qochoqlarning boshpana so‘rab bergan arizalarini ko‘rib chiqish uchun besh oygacha vaqt kerak bo‘lishi mumkin.
2015-yil boshidan beri Finlyandiyaga 24 ming kishi boshpana so‘rab keldi. Hukumat prognoziga ko‘ra, yil oxiriga borib, mazkur raqam 35 ming kishigacha ko‘payishi mumkin.
Mamlakat Tashqi ishlar vazirligi muhojirlar oqimini pasaytirish maqsadida Facebook’da targ‘ibot-tashviqot ishlarini boshlagan. Finlyandiya bosh vaziri Yuxa Sipilyaning qayd etishicha, mamlakat qochoqlarni qabul qilish masalasida o‘z imkoniyatlari chegarasiga yaqinlashib qoldi.
Batafsil | Подробно | Read more... Daryo