Ishchilar amerikalik ayolga 15 tonna chiqindi ichidan oilaviy yodgorligini topishda yordam ko‘rsatdi

Chiqindilarni qayta ishlash fabrikasining ishchilari Amerikaning Nyu-Jersi shtatida istiqomat qiluvchi Samanta LaRoshelga adashib axlatga tashlab yuborilgan oilaviy yodgorligini tonnalab chiqindi ichidan topishda yordam ko‘rsatdi, deb xabar beradi “NJ.com”.

Foto: “NJ.com”

Ayol behush holda shifoxonaga tushganida taqinchog‘ini yo‘qotib qo‘ygan. Uni yechintirgan tibbiyot xodimlari qimmatbaho buyumni tasodifan axlatga tashlab yuborgan.
O‘ziga kelgan LaRoshel uning taqinchog‘i qayerga yo‘qolganini so‘rab hech kimdan bila olmagan. Taqinchoqdan biri uning bobosiga tegishli bo‘lgan. Boshqa taqinchoq esa tilladan ishlangan bo‘lib, unga marhum onasining barmoq izi tushirilgan. Ikkala taqinchoq ham bitta zanjirga osig‘liq bo‘lgan. “Ushbu buyum men uchun dunyodagi eng ahamiyatli”, — deydi ayol.
Politsiya LaRoshelga yordam berishga rozi bo‘lgan. Xodimlardan biri kuzatuv kameralari yozib olgan to‘qqiz soatli videoni o‘rganib chiqib, qaysi kompaniya shifoxonadan axlatni olib chiqib ketganini aniqlagan.
Bu ma’lumot LaRoshelni Oksforddagi chiqindilarni qayta ishlash fabrikasiga olib kelgan. Uning iltimosiga ko‘ra, ishchilar ikki soat davomida turli vositalar yordamida shifoxonadan chiqqan chiqindilarni titgan. Natijada ulardan biri avvaliga LaRoshelning futbolkasini, keyinroq esa yodgorlik solingan idishni topishga muvaffaq bo‘lgan.

Foto: “NJ.com”

Ertasi kuniga ayol unga yordam bergan fabrika ishchilariga tushlik hamda tort olib keldi.

Foto: “NJ.com”

“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Ishchilar amerikalik ayolga 15 tonna chiqindi ichidan oilaviy yodgorligini topishda yordam ko‘rsatdi appeared first on Daryo .
Batafsil | Подробно | Read more... Daryo