2050-yilga borib Yer aholisining yarmi 9 ta davlatga jamlanadi

BMTning iqtisodiy va ijtimoiy masalalar bo‘yicha departamenti “Jahon aholisi istiqbollari” hisobotining yangilangan versiyasini e’lon qildi. Bundan oldingi raqamlarni Hindiston hamda Afrika aholisining o‘sishi hisobiga qayta ko‘rib chiqishga to‘g‘ri keldi, deb xabar berdi National Geographic.

Foto: National Geographic

Hozirda Hindiston o‘zining aholisi soni bo‘yicha dunyoda ikkinchi o‘rinda: 1,3 milliard odam. Xitoy aholisi esa 1,4 milliardni tashkil etadi, biroq 2024-yilga borib Hindiston birinchi o‘ringa chiqib olishi kutilmoqda. Yevropa aholisining tez kamayib borishi fonida Afrikaning 26 mamlakati aholisi 2050-yilga borib ikki barobarga ortadi.
BMT ekspertlarining hisob-kitoblariga ko‘ra 2030-yilga borib Yer aholisi 8,6 milliardga, 2050-yilda 9,8 milliardga, asr oxiriga borib esa 11,2 milliardga yetadi. Avvalgi bashoratda 2030-yilda aholi 8,5 milliardni, 2050-yilda esa 9,7 milliardni tashkil etgan. Asr o‘rtalariga borib Yer aholisining yarmi to‘qqizta mamlakatda jamlangan bo‘ladi: Hindiston, Nigeriya, Kongo demokratik respublikasi, Pokiston, Efiopiya, Tanzaniya birlashgan respublikasi, AQSh, Uganda hamda Indoneziya.
BMT hisobotida keltirilgan yana bir omil bu aholining qarishi. Dunyoning barcha mintaqalarida umr ko‘rishning o‘sishi qayd etilgan: 2000—2005-yillarda erkaklarning o‘rtacha umr ko‘rish yoshi 65 yilni, ayollarniki 69 yilni tashkil etgan bo‘lsa, 2010—2015-yillarda bu ko‘rsatkich erkaklarda 69, ayollarda 73 yilni tashkil etgan.
Yer aholisining ortib borishi resusrlarning tez kamayishiga, ekologik muammolar, siyosiy notinchliklar, ishsizlik hamda qashshoqlikning ko‘payishiga olib keladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post 2050-yilga borib Yer aholisining yarmi 9 ta davlatga jamlanadi appeared first on Daryo .
Batafsil | Подробно | Read more... Daryo