O‘zbekiston hukumati oziq-ovqat mahsulotlari narxining o‘sishini nazorat ostiga oladi

Hukumat qoshida maxsus fond tashkil etilayotgan bo‘lib, uning mablag‘lari go‘sht, yog‘, kartoshka va boshqa oziq-ovqat mahsulotlari narxlarining mavsumiy o‘zgarishini yumshatishga qaratiladi. Ushbu choralar Prezidentning 23-iyunga oid “Respublika aholisini ijtimoiy ahamiyatli oziq-ovqat tovarlari bilan ishonchli ta’minlashning kechiktirib bo‘lmas choralari to‘g‘risida”gi qarorida ko‘zda tutilgan, deb xabar beradi UzNews.

Foto: UzNews

Hujjatga muvofiq, O‘zbekistonda bosh vazir yetakchiligidagi respublika komissiyasi tuzilib, u asosiy oziq-ovqat mahsulotlari narxlarini monitoring va nazorat qilib boradi.
Bundan tashqari, ushbu komissiyaning mintaqaviy bo‘linmalari tashkil etilishi ko‘zda tutilgan.
Ichki iste’mol bozorida narxlarni barqarorlashtirishga ko‘maklashish fondi mablag‘lari go‘sht, o‘simlik va hayvon yog‘i, un, donli mahsulotlar, kartoshka, sabzi, piyoz va boshqa eng muhim oziq-ovqat mahsulotlari narxlarining keskin oshib ketishiga yo‘l qo‘ymaslikka xizmat qiladi.
Respublika va mintaqaviy komissiyalar zimmasiga quyidagi vazifalar yuklanadi:
– joylarda ijtimoiy ahamiyatga ega asosiy oziq-ovqat mahsulotlarining vaqtida yetkazilishi va realizatsiyasini ta’minlashni muvofiqlashtirish;
– huquq-tartibot organlari bilan birgalikda narxlarning sun’iy ko‘tarilishiga yo‘l qo‘yilmasligini nazorat qilish;
– MTRK, “Mahalla” jamg‘armasi va boshqa jamoat tashkilotlari bilan birgalikda fond hisobidan asosiy oziq-ovqat mahsulotlari yetkazilishi va realizatsiyasi jarayonlarini samarador jamoat nazorati ostiga olishni ta’minlash.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston hukumati oziq-ovqat mahsulotlari narxining o‘sishini nazorat ostiga oladi appeared first on Daryo .
Batafsil | Подробно | Read more... Daryo