O‘rganishlar O‘zbekiston oliy tibbiy ta’lim sohasida takrorlanuvchi mavzular va mutaxassislikka oid bo‘lmagan fanlar ko‘pligini ko‘rsatdi

Oliy tibbiy ta’lim sohasida amalga oshirilayotgan o‘zgarishlar tibbiyot kadrlari yetishmovchiligi qoplanishini 15 foizga tezlashtiradi. Bu haqda, O‘zbekiston sog‘liqni saqlash vaziri Alisher Shodmonovga asoslanib, vazirlik matbuot xizmati xabar bermoqda .

Foto: O‘zbekiston Sog‘liqni saqlash vazirligi matbuot xizmati

O‘zbekiston sog‘liqni saqlash vaziri Alisher Shodmonovning ma’lum qilishicha, sohaning birlamchi tizimida kadrlar ta’minotida nomutanosibliklar bor. “Masalan, O‘zbekiston bo‘yicha shifokorlarning umumiy soni 72 ming nafar bo‘lib, har 10 ming aholiga nisbatan 23,5 nafarni tashkil etadi. Ammo ayrim viloyatlarda bu ko‘rsatkich talab darajasida emas”, — deydi vazir.
Hozirgi vaqtda O‘zbekistonda 7 ta oliy tibbiy ta’lim muassasalari hamda ularning hududiy filiallarida har yili 2 mingdan ortiq shifokorlar tayyorlanmoqda. Vazirning tan olishicha, mazkur OTMlarda bakalavriat bosqichining (davolash ishi) 7 yil davom etishi zamon talablariga javob bermasdi, bundan tashqari, “ta’lim uchun asoslanmagan holda ortiqcha moliyaviy mablag‘larni talab etayotgan edi”.
Prezident Shavkat Mirziyoyevning “O‘zbekiston Respublikasida tibbiy ta’lim tizimini yanada isloh qilish chora-tadbirlari to‘g‘risida”gi qaroriga muvofiq, 2017/2018 o‘quv yilidan boshlab davolash ishi, kasbiy ta’lim (davolash ishi), harbiy-tibbiyot ishi (davolash ishi), pediatriya ishi 6 yil, tibbiy-biologik ish 4 yil, tibbiy profilaktika ishi 5 yil etib belgilandi.
“E’tiborli tomoni, hozirgi vaqtda davolash ishi, kasbiy ta’lim (davolash ishi), harbiy tibbiyot ishi (davolash ishi), pediatriya ishi bakalavriat yo‘nalishlari bo‘yicha ta’lim olayotgan 2—5-bosqich talabalari ham ta’limni 6 yillik o‘quv dasturi asosida davom ettirishi ko‘zda tutilgan”, — deydi SSV rahbari Alisher Shodmonov.
Ayni vaqtda, Alisher Shodmonovning ta’kidlashicha, o‘rganishlar sohada o‘quv dasturlarini yanada takomillashtirish vaqti kelganini ko‘rsatmoqda. “O‘quv soatlarini tahlil qilib o‘rganganimizda, o‘quv dasturlaridagi mavzularning 15 foizi va hatto undan ham ortig‘i takrorlanishi aniqlandi. Bundan tashqari, bakalavriat va magistratura bosqichidagi o‘quv reja va dasturlarda mutaxassislikka oid bo‘lmagan fanlarning ko‘pligi ham talabalarning ortiqcha vaqtini olib, ixtisoslik bo‘yicha bilim olishiga sezilarli ta’sir qilib kelmoqda”, — deydi vazir.
Shu munosabat bilan, hozirgi vaqtda bakalavriat bosqichi uchun davlat ta’lim standartlari qayta ishlab chiqilmoqda. Xususan, Prezident qarori bilan oliy tibbiy ta’limning klinikagacha bo‘lgan va klinik fanlar bloklari bo‘yicha o‘quv soatlari salmog‘i oshirilishi, oliy tibbiy ta’lim standartlarini qayta ko‘rib chiqish belgilangan.
Kasbiy fanlar bloki kengaytirilib, ijtimoiy-iqtisodiy fanlar blokini 7 foizgacha qisqartirish, klinikagacha va klinikaga oid fanlar uchun soatlar hajmini 85 foizgacha ko‘paytirish nazarda tutilgan. “Avvalgi Davlat ta’lim standartlarida belgilangan o‘quv rejalarida gumanitar va ijtimoiy-iqtisodiy fanlar bloki bo‘yicha o‘quv soatlari hajmi 15—20 foizgacha edi. Asosiy mutaxassislik bo‘yicha esa 40-50 foizni tashkil qilgan, xolos”, — deydi vazir.
Sog‘liqni saqlash vazirining ta’kidlashicha, tibbiy ta’lim sohasida Prezident qarorlari asosida yuz beradigan o‘zgarishlar natijasida tibbiyot kadrlari yetishmovchiligi qoplanishi 15 foizga tezlashtiriladi, byudjet mablag‘larining maqsadli sarflanishiga erishiladi, shuningdek, tibbiy ta’lim xalqaro standart talablariga moslashtiriladi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘rganishlar O‘zbekiston oliy tibbiy ta’lim sohasida takrorlanuvchi mavzular va mutaxassislikka oid bo‘lmagan fanlar ko‘pligini ko‘rsatdi appeared first on Daryo .
Batafsil | Подробно | Read more... Daryo