Xitoy futbol federatsiyasi Oskardan keyin Xalk, Villash-Boash va Vu Leini ham chetlatdi

Xitoy chempionatining tur o‘yinida qilgan ishi uchun “Shanxay SIPG” a’zosi Oskar 8 ta o‘yinda diskvalifikatsiya qilingandi. Endilikda uni himoya qilib chiqqan jamoadoshlarini ham sinov kutib turibdi, deb ma’lumot berdi “Championat.asia” xitoylik futbol jurnalistining fikrlariga asoslanib.

Foto: “Championat.asia”

Bunda gap braziliyalik hujumchi Xalk, yetakchi mahalliy futbolchi Vu Lei va portugaliyalik bosh murabbiy Andre Villash-Boashning Xitoy futbol federatsiyasiga qo‘qqisdan chaqirilgani haqida bormoqda. “Shanxay SIPG” matbuot kotibi chaqiruv Xalk tomonidan namoyish qilingan yozuv tufayli ekanini ochiqlagan va qolgan savollarni javobsiz qoldirgan.
“Xenan Jiane”ga qarshi 4:1 hisobidagi g‘alaba bilan yakuniga yetgan o‘yinda Xalk golini nishonlashda Oskarni eslab o‘tgan bo‘lib, 8 ta o‘yinga chetlatilgan vatandoshi uchun “Hech nima qilma, hech nima gapirma” so‘zlarini ko‘z-ko‘z qilgandi. Mana shu holat Xitoy futbol federatsiyasining e’tiroziga sabab bo‘lgani katta ehtimol.
Bu borada rasmiy xabar chiqib ulgurmagan bo‘lsa-da, xitoylik jurnalistlardan biri o‘zining tvitterdagi sahifasida federatsiya binosiga chaqirilganlar ikkitadan o‘yinga diskvalifikatsiya qilinganiga oydinlik kiritgan.
Ma’lumot uchun, Oskar hunar ko‘rsatgan bellashuvda O‘zbekiston milliy terma jamoasi sardori Odil Ahmedov ishtirok etmagan, u terma o‘yini sabab vaqtini Toshkentda o‘tkazgandi. Xalk yozuv namoyish qilgan bellashuvda esa Ahmedov to‘p surib, gol urishga ham muvaffaq bo‘lgandi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Xitoy futbol federatsiyasi Oskardan keyin Xalk, Villash-Boash va Vu Leini ham chetlatdi appeared first on Daryo .
Batafsil | Подробно | Read more... Daryo