Bashar Asad prezidentlik saylovlarida qatnashishga tayyor ekanligini ma’lum qildi

Suriya prezidenti Bashar Asad Damashqda Rossiya Federatsiyasi parlamenti a’zolari bilan uchrashuvda Suriya xalqi uni qo‘llab-quvvatlasa, prezidentlik saylovlarida ishtirok etishga tayyor ekanligini bildirdi. Bu haqda delegatsiya a’zosi Aleksandr Yushchenko “RIA Novosti” bilan suhbatda ma’lum qildi .

Foto: “RIA Novosti”

“Asad aytdiki, agar Suriya xalqi lozim topsa, prezidentlik saylovlarida ishtirok etishga qarshi emas”, — deydi Yushchenko Bashar Asad bilan uchrashuv yakunlarida haqida.
Yushchenkoning qo‘shimcha qilishicha, Asad Suriya xalqi zarur deb hisoblasa, prezidentlik saylovlarini istagan vaqtda o‘tkazishga tayyor ekan.
Rossiya parlamenti a’zolaridan iborat delegatsiya 23-oktabr, juma kuni Suriyaga yetib keldi. Delegatsiya Suriyaga o‘zi bilan gumanitar yordam (dori-darmon va bolalar uchun oziq-ovqat) olib keldi.
Batafsil | Подробно | Read more... Daryo