Turkiya Qozog‘istonda tug‘ilgan 20 yoshli nemis qizni terakt uyushtirishda gumon qilmoqda

Turkiya hukumati kelib chiqishi qozog‘istonlik, millati nemis bo‘lgan ayolni “Iroq va Shom islom davlati” terrorchilik tashkiloti bilan aloqadorlikda gumon qilmoqda. Bu haqda “Gazeta.kz” xabar bermoqda .

Foto: “Gazeta.kz”

Xabar berishlaricha, 20 yoshli Valentina S. 2015-yil iyulida Turkiyaning Suruch shahrida yuz bergan va 34 kishining hayotiga zomin bo‘lgan teraktni tashkil etishga aloqadorlikda gumon qilinmoqda.
Süddeutsche Zeitung gazetasining yozishicha, Qozog‘istonda tug‘ilgan Valentina Myonxengladbaxda voyaga yetgan va Germaniya fuqarosi hisoblanadi.
Taxminlarga ko‘ra, u bir yilcha avval boshqa bir nemis qiz bilan Suriyaga kelib, shu yerda IShIDga qo‘shilgan.
Valentina S.ning terrorchilar bilan aloqadorligi bilan bog‘liq katta dalillar bo‘lmasa-da, Suruchdagi teraktdan so‘ng har ikkala qiz maxsus xizmatlar e’tiboriga tushgan.
Qayd etish joiz, Turkiya politsiyasi Suruchdagi terrorchilik harakati yuzasidan 21 kishini qidirmoqda, ular orasida Valentina S. va uning dugonasi ham bor.
Die Welt’ning Germaniya maxsus xizmatlari ma’lumotlariga asoslanib yozishicha, hozirgacha 100 ga yaqin germaniyalik ayol IShID safiga qo‘shilgan.
Batafsil | Подробно | Read more... Daryo