Murod Nazarov: Ish o‘rni yaratgandan ko‘ra uning samaradorligini oshirgan ma’qul

Xalqaro press-klubning 3-iyulda bo‘lib o‘tgan sessiyasi doirasida o‘z fikrini bildirgan Murad Buildings kompaniyasi rahbari Murod Nazarov “qancha ish o‘rni yaratasiz?”, degan savol uning uchun kulgili ekanligini aytib o‘tdi. Buning sababi sifatida ish o‘rni yaratgandan ko‘ra mavjud xodimlarning ish samaradorligini oshirish kerakligini qayd etdi.

Murod Nazarov Foto: Xalqaro press-klub

Ba’zan bizga hokimiyatdan telefon qilib, qancha ish joyi yaratasiz, deb so‘rashadi. To‘grisini aytaman, men bu savolga kulaman. Men qanchadir ish o‘rni yaratish kerak, deb o‘ylamayman. Biz har bir xodim ustida ishlashimiz kerak. Ishlayotgan xodimlar ko‘proq qo‘shimcha qiymat yaratish hisobiga olayotgan daromadini oshirishi kerak. Bir kishi bir necha yuz va ming kishini o‘rnini bosa oladigan bo‘lganidan keyin boshqasini olganimiz ma’qul. Ko‘p odamni ishlatishning nima keragi bor?
Kompaniyamizda ishlaydigan xodimlar soni 100 tadan oshmaydi. Lekin korxonamiz boshqa pudratchilarmni ishlatishi hisobiga uch mingga yaqin kishi ishga jalb qilinadi.
Yaqinda bir davlat korxonasiga bordik. Korxonaga 50 million dollar tikilgan, Biz shu korxonaning yangisini tashkil qilish maqsadida chet ellik hamkorlar bilan hisob-kitob qilib chiqqanmiz. Bu korxonaning yillik daromadini hisoblab ko‘rsak, besh million dollarga bormayapti. Biz tashkil qilmoqchi bo‘lgan korxonada esa bir yillik daromad 18—20 million dollar bo‘lishi kerak.
Daromadning nima uchun bunday kamligini so‘rasak, ishchilar sonining juda ko‘pligi aytildi, hokimiyat topshirig‘i asosida ish bilan ta’minlash uchun 2000 kishi ishga olingan, biroq korxonadagi ishni 150 kishi bajara oladi. Menimcha, ish o‘rinlari yaratishdan ko‘ra, ularning samaradorligini oshirsak, iqtisodiyot rivojlanadi va hammasi o‘z o‘rniga tushadi.
Murod Nazarov, Murad Buildings kompaniyasi rahbari
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Murod Nazarov: Ish o‘rni yaratgandan ko‘ra uning samaradorligini oshirgan ma’qul appeared first on Daryo .
Batafsil | Подробно | Read more... Daryo