Eng ko‘p tomoshabin to‘plagan “Arslon izidan”, yarim yildan buyon hukumatsiz yashayotgan Irlandiya, YaIM bo‘yicha 71-o‘rinni egallagan O‘zbekiston va kunning boshqa muhim xabarlari

5-iyulning e’tiborga molik yangiliklari — “Daryo”ning kechki dayjestida.

Foto: “Daryo”

1. O‘zbekistonda dollarning davlat kursi bozor kursiga yetib olsa, GM Uzbekistan avtomobillarining narxi tushadi . Bu haqda 5-iyulda uyushtirilgan matbuot safarida GM Uzbekistan bosh direktori vazifasini bajaruvchi Rustam Rajabov jurnalistlarga ma’lum qildi.
2. Respublika baynalmilal madaniyat markazi direktori Nasriddin Muhammadiyev olamdan o‘tdi . 5-iyul kuni Nasriddin Muhammadiyev uzoq davom etgan xastalikdan so‘ng vafot etgan.
3. Shimoliy Irlandiya yarim yildan beri hukumatsiz yashamoqda . Mintaqaning asosiy partiyalari birlashgan hukumat yaratish bo‘yicha kelishuvga erisha olmayapti va muzokaralar jarayoni kuzgacha cho‘zilishi mumkin.
4. Rasman: endi o‘quvchilar kollej, litsey yoki 11 yillik maktabni o‘z xohishiga ko‘ra tanlaydi . Eslatib o‘tamiz, avvalroq O‘zbekistonning bir qator kasb-hunar kolleji va akademik litseyida 9-sinf bitiruvchilaridan hujjat qabul qilish  to‘xtatilgan edi .
5. “Arslon izidan” filmi iyul oyining birinchi haftasida eng ko‘p tomoshabin to‘plagan o‘zbek filmi bo‘ldi . Iyul oyining birinchi haftasi kinoreytingida “Arslon izidan” filmidan keyingi o‘rinlarni Azamat Ahrorovning “Qaysarginam 2”, Otabek Mirzaxolovning “Jonim yig‘loqi”, Jahongir Ahmedovning “Onam bilmasin”, Akrom Shaxnazarovning “Hamroh” filmlari band etgan.
6. O‘zbekiston 67,22 mlrd YaIM bilan dunyoda 71-o‘rinda qayd etildi . O‘zbekiston 2016-yil yakuni bo‘yicha yalpi ichki mahsulot hajmi bo‘yicha, xarid qobiliyati tengligini (purchasing power parity) hisobga olganda, dunyoda 61-o‘rinni egalladi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Eng ko‘p tomoshabin to‘plagan “Arslon izidan”, yarim yildan buyon hukumatsiz yashayotgan Irlandiya, YaIM bo‘yicha 71-o‘rinni egallagan O‘zbekiston va kunning boshqa muhim xabarlari appeared first on Daryo .
Batafsil | Подробно | Read more... Daryo