Qozog‘iston prezidentining sharafiga nomlangan qiz Nazarboyev universitetiga kirishni orzu qiladi

Qozog‘istonning Jambul tumanida Nurabinaz ismli qizaloq yashaydi. Uning ismi Qozog‘iston prezidenti Nursulton Abishevich Nazarboyevning sharafiga qo‘yilgan, deb xabar berdi “Kazinform”.

Foto: “Kazinform”

Nurabinazning Otasi Asilbek mamlakat rahbarini juda hurmat qiladi. 2003-yilda qiz farzandli bo‘lganida Nursulton Abishevich Nazarboyevning ism-sharifidan unga ism yasab qo‘ygan. Eng muhimi bu ism qozoqlarda avval bo‘lmagan, ism Nurabinazning o‘ziga yoqadi.
“Qizimga uning ismi yoqadi. Uning aytishicha, ismini aytganida hamma unga e’tibor berarkan. Har yili 6-iyul kuni mahalliy jurnalistlar undan intervyu oladi, turli tadbirlarga taklif qiladi. Balki, shuning uchun Nurabinazni ko‘chada notanish odamlar tanib qolib, so‘rashishadi. Albatta, qizim uning ismi o‘ziga katta mas’uliyat yuklashini tushunadi”, — deydi qizning onasi Munira.
Nurabinazning opasi hamda kichik ukasi ham bor. Otasining istagiga ko‘ra, Imangali Tasmagambetovning sharafiga katta qiziga Nurshapag‘at, o‘g‘liga esa Nuriman ismlari qo‘yilgan.
“Nurabinaz bolaligida juda ko‘p kasal bo‘lardi, 12 yoshida hatto yura olmay qolgandi. Mulla unga uchta ism og‘irlik qilmoqda, ismini o‘zgartiringlar degan. Shundan beri qizimizni Abish deb chaqiramiz, hujjatlarda esa Nurabinazligicha qolgan. Hozirda uning sog‘ligi joyida”, — deydi Munira.
“Men sakkizinchi sinfni tugatdim. Bo‘sh vaqtimda raqs, badiiy adabiyot va san’at hamda hunarmandchilik bilan shug‘ullanaman. Maktabda o‘tiladigan fanlardan kimyo yoqadi. Katta bo‘lganimda farmasevt bo‘lmoqchiman va Nazarboyev universitetiga o‘qishga kirishni orzu qilaman”, — deydi Nurabinaz.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Qozog‘iston prezidentining sharafiga nomlangan qiz Nazarboyev universitetiga kirishni orzu qiladi appeared first on Daryo .
Batafsil | Подробно | Read more... Daryo